Djabièrnè mainta 25 di ougùstùs 2017 Parlamentarionan pa Frakshon di MAN señora Elsa Rozendal i señora Giselle Mc William a hasi un bishita di trabou na Fundashon Famia Plania.

Djabièrnè mainta 25 di ougùstùs 2017 Parlamentarionan pa Frakshon di MAN señora Elsa Rozendal i señora Giselle Mc William a hasi un bishita di trabou na Fundashon Famia Plania. Fundashon Famia Plania pa mas ku 51 aña ta hasiendo un bon trabou riba tereno di prevenshon di embaraso hubenil, edukashon seksual pero tambe prevenshon di malesanan venériko manera HIV. Mirando desaroyonan rondó di prostitushon riba nos isla, e fundashon ta traha riba e parti di konsientisashon i prevenshon serka e damanan aki paden i pafó di Campo Alegre. E enkuentro tabata unu hopi informativo i di interkambio. Un danki na direktora señora Desi Frans, señora Modesta Warner i señora Lucia ku a risibí nos.
Pa Frakshon di MAN por hasi su trabou mihó e lo hasi un serie di bishita na diferente instansha pa keda informá di loke ta biba den komunidat i e retonan ku tin den kada gremio; hóben, hende muhé, adulto mayor, hende ku desabilidat, èts pero tambe aspektonan manera prevenshon, adikshon, salú i kuido, bibienda, bario, pa menshoná algun.

%d bloggers like this: