Advertisements

Pronóstiko di tempu pa Kòrsou i bisindario bálido te djadumingu mainta 6:00 o.l., 27 di ougùstùs 2017.

Pronóstiko

Pronóstiko di tempu pa Kòrsou i bisindario bálido te djadumingu mainta 6:00 o.l., 27 di ougùstùs 2017.
Kompilá: djasabra 26 di ougùstùs 2017, 05:00 o.l. (09:00 UTC).
Tempu: Shelu ta parsialmente nublá. De bes en kuando hopi nublá ku algun áwaseru lokalmente.
Temperatura máksimo lo alkansá 32 ºC i temperatura mínimo 26 ºC.
Solo ta sali 06:25 i ta baha 18:50 o.l.
Bientu: For di direkshon generalmente ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia òf den áwaseru, ráfaga de bes en kuando te basta fuerte; forsa 5 (31 te 39 km/ora, 17 te 21 nudo). Bientu lo bira mas for di sùitost riba djadumingu.
Situashon general: Un disturbio débil ta pasa den nos área awe i sali for di e region oriental di Karibe mayan djadumingu. Ta spera sufisiente humedat den un ambiente atmosfériko bastante instabil pa asina okashoná desaroyo di nubianan ku por produsí áwaseru riba partinan di e isla. Aunke ta antisipá ku e disturbio lo ta leu di nos área riba djaluna, tòg tin posibilidat pa awa kai den mainta.
Kondishon di laman: Trankil te moderá ku altura di olanan di entre 0.5 i 1.5 meter (entre 2 i 4 pia).
Sistemanan signifikante di wer tropikal: Orkan peligroso Harvey a subi tera ayera nochi na sùitwèst estado di Texas komo un orkan kategoria 4. Orkan Harvey no ta un menasa pa region di Karibe.
Fenómeno spesial: Ningun.
Perspektiva te djaluna mainta: Shelu ta por lo general parsialmente nublá ku chèns pa algu di áwaseru.
Meteorólogo: Coffie
E próksimo boletin di tempu lo wòrdu publiká djasabra 11:00 o.l. (15:00 UTC).

Advertisements
%d bloggers like this: