Advertisements

Manrique Capriles ta lansa linia di te di Colombia marka Hindú di un forma orginal

Manrique Capriles ta lansa linia di te di Colombia marka Hindú di un forma orginal

WILLEMSTAD – Djabièrnè atardi 25 di Ougùstùs, e kompania Manrique Capriles, di un forma masha orginal, a lansa riba merkado di Kòrsou e marka di té ‘Hindú’. A titulá e evento komo ‘Press Tea Party’. Banda di representantenan naturlamente di prensa, tabatin presente alabes representantenan di benta di diferente kompania na unda e variashon amplio di Té Hindú lo ta optenibel.
Té Hindu, ya pa mas ku 50 aña ta ser kultivá i produsí den un di e zonanan mas bio-diversifiká di mundu den serunan Andes na Colombia. E zona su klima ta ideal pa kultivo di matanan di kua entre otro ta kultivá i produsí té. E kompania produktor – Himalaya – tin e sertifikashon di kalidat ISO 90001, ku ta para pa un standard mundial hopi eksigente. Té Hindu tin alabes e sertifikashon UTZ.
Mas ku 200 famia – ya pa tres generashon – ta empleá den tur faseta di kultivo, produkshon, merkadeo i distribushon di Té Hindú. E gran variedat di te, infushon i aromátika ta ser bendí rònt Colombia i ta ser eksportá alabes pa mayoria pais di Sur – Sentro i Norte Amerika. Awor nos por bisa ku Té Hindu ta drenta merkado di Karibe ku Kòrsou komo su promé merkado den nos área. Pronto e marka di té aki lo ta optenibel na Aruba, Boneiru i Sint Maarten tambe.
E evento di ‘Press Tea Party’ a inisiá ku palabranan di bon biní di direktor general di Manrique Capriles, sr. Willem da Costa Gomez. El a konta kon riba su biahenan di negoshi na Colombia, komo bebedó di té, kada ku e pidi té na un reunion, sea mainta, mèrdia òf anocho, ta té Hindú ta ofresé na dje. Esei a poné interesá mas di e té, ku lider di merkado ba Colombia, pa tresé e marka na Kòrsou tambe.
Seguidamente sr. Da Costa Gomez a pasa palabra pa sr. Juna González, kende ta hefe di merkadeo internashonal di Té Hindú. Sr. Gonzalez a splika di historia i operashon di e kompania Himalaya ku ta produktor di Té Hindú.
Despues di e parti ofisial a pasa pa e patio parti patras di Landhuis Klein Kwartier kaminda e invitadonan a pruf e diferente sabornan di Té Hindú. Mas lat atardi a sigui un espasio pa sosialisá den hardin di e lanthuis ku amenisashon di Típiko Pasa Bon.
Manrique Capriles:
E kompania ta eksistí ya pa nobenta i sinku aña i ta agente di produktonan di markanan di renombre mundial manera e.o. Johnson & Johnson, Le Blue, Tena, Jergens, Bioré, Del Monte i hopi mas.

Advertisements
%d bloggers like this: