KOMUNIKADO DI KUERPO POLISIAL KÒRSOU Entrada hudisial ku detenshon.

KOMUNIKADO DI KUERPO POLISIAL KÒRSOU
344 / 2017
25 ougùstùs 2017
Entrada hudisial ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 25 di ougùstùs 2017, alrededor di 03. or di mardugá, personal di Atrako Tim
konhuntamente ku e Tim di Aresto, UST i FTO a tene entrada hudisial den kuater diferente
kas den área di Banda Bou. Esaki ta en konekshon ku un kaso di ladronisia i violensia
kometé dia 26 di yüli último. E dia ei tres hòmber a drenta den un kas na Coral Cliff i bou di
menasa nan a atraká un pareha i bai ku outo sèn i prenda. Durante di e entrada hudisial nan
aki a haña i konfiská un machete, diferente telefòn selular i planta di mariwana. Tambe a
detené tres (3) persona maskulino i un persona femenino. E detenshonnan a tuma lugá na e
adrèsnan:
 Klein Sta. Martha; e hòmber S.L.S. di 32 aña di edat;
 Flip; e hòmber R.G.F. di 43 aña di edat;
 Klein Sta. Martha; e hòmber R.L.S. di 30 aña di edat;
 Klein Sta. Martha e persona femenino S.E.S. di 25 aña di edat, pa inkubrimentu.
Tur e sospechosonan ta nasé na Kòrsou.
A presentá e sospechosonan dilanti un Fiskal Ouksiliar ku a ordená enkarselashon di e tres
(3) sospechosonan maskulino pendiente di mas investigashon. E sospechoso femenino
S.E.S. despues di interogashon a rekobrá su libertat.
E investigashon ta kontinuá.

%d bloggers like this: