Advertisements

Sala multifunshonal di Barber ta bai drenta su último fase pa ta operashonal

Sala multifunshonal di Barber ta bai drenta su último fase pa ta operashonal

Despues ku algun tempu pasá a tene un destaho ku 5 kontratista pa por yega na esun ku lo bai ehersé trabounan na e kompleho deportivo na Barber, djamars 22 di ougùstes direktor di FDDK, sr. Thakaidzwa Doran a firma un akuerdo ku K.W. Construction, den persona di sr. Kurtley Willems.

E akuerdo aki ta duna lus bèrdè na inisio di konstrukshon di e sala multifunshonal na Barber.
E konstrukshon di e sala aki ta kai bou di e metanan stratégiko di FDDK kual ta stimulá deporte den komunidat, krea i drecha fasilidatnan deportivo na Kòrsou.

FDDK kier a gradisí Ministerio di Enseñansa, Siensia, Kultura i Deporte (Señora Minister Marilyn Alcalla Walle) & Ministerio di Finansas (Señor Minister Kenneth Gijsbertha) pa yuda hasi esaki posibel.

Advertisements
%d bloggers like this: