Advertisements

Pronóstiko di tempu pa Kòrsou i bisindario bálido te djasabra mainta 06:00 o.l., 26 di ougùstùs 2017.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 26 di ougùstùs 2017.
Kompilá: djabièrnè 25 di ougùstùs 2017, 05:00 o.l. (09:00 UTC).
Tempu: Shelu ta parsialmente nublá ku un chèns pa un áwaseru lokal durante oranan di mainta. Despues di mèrdia un wer generalmente seku lo prevalesé.
Temperatura máksimo lo alkansá 34 ºC i temperatura mínimo 28 ºC.
Solo ta sali 06:25 i ta baha 18:51 o.l.
Bientu: For di direkshon generalmente ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia, ráfaga de bes en kuando te basta fuerte; forsa 5 (31 te 39 km/ora, 17 te 21 nudo).
Situashon general: Áreanan di nubia lo pasa awe den oranan di mainta riba nos isla. E nubianan aki por produsí un áwaseru lokal di durashon kòrtiku riba nos isla. Pero pa mèrdia un wer generalmente seku lo bai prevalesé. Mas aleu pa wikènt, áreanan di mas nubia lo pasa mas frekuentemente kual lo hisa e chèns pa mas áwaseru.
Kondishon di laman: Trankil te moderá ku altura di olanan di entre 0.5 i 1.5 meter (entre 2 i 4 pia).
Sistemanan signifikante di wer tropikal: Orkan Harvey ta riba sekshon wèst di Golfo di Mexico i bira un orkan. Orkan Harvey no ta un menasa pa region di Karibe.
Fenómeno spesial: Ningun.
Perspektiva te djadumingu mainta: Shelu ta por lo general parsialmente nublá ku chèns pa algun áwaseru.
Meteorólogo: Figueroa
E próksimo boletin di tempu lo wòrdu publiká djabièrnè 11:00 o.l. (15:00 UTC).

Advertisements
%d bloggers like this: