Frakshon di MAN ta pidi presidente di parlamento pa konvoká un reunion relashoná ku ladronisia di outo

Frakshon di MAN ta pidi presidente di parlamento pa konvoká un reunion relashoná ku ladronisia di outo

último tempu nos por a tuma nota ku ladronisia di outo na Kòrsou a oumentá drástikamente. Hopi ta e personanan ku despues ku nan a kaba di kumpra nan outo nobo, ta kuminsá biba den un hansha debí na miedu di por pèrdè nan outo dor di ladronisia. Esaki sigur ta algu ku ta di hopi preokupashon den nos pueblo. Komo representante di pueblo Frakshon di MAN ta para pa garantisá seguridat i trankilidat den nos pueblo. Relashoná ku esei Frakshon di MAN a manda un karta pa presidente di parlamento den kual nos ta pidi pa konvoká un reunion públiko enkuanto ladronisia di outo. Den e karta Frakshon di MAN ta pidi pa invitá Minister di Hustisia, Minister di Tráfiko, Transporte i Planifikashon Urbano i Minister di Finansa pa ta presente na e reunion esaki mirando kada unu su ministerio tin di haber ku e parti di prevenshon di ladronisia di outo.

%d bloggers like this: