KOMUNIKADO DI KUERPO POLISIAL KÒRSOU Aksidente di tráfiko ku herido

KOMUNIKADO DI KUERPO POLISIAL KÒRSOU
339 / 2017
23 ougùstùs 2017
Aksidente di tráfiko ku herido
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 23 di ougùstùs 2017, alrededor di 10.38 or, Sentral di Polis a dirigí un patruya pa dr.
Willem P. Maalweg pa un aksidente entre un outo i un motosaikel. Na yegada di e patruya polisial
nan a topa e víktima fuera di konosementu.
For di un investigashon preliminar ku polis a hasi na e sitio, a sali na kla ku e motosaikel tabata kore
riba e kaminda menshoná direkshon saliña. Dado momento un outo a sali for di un luga di parker pa
subi riba dr. W.P. Maalweg direkshon di Mari Pampun sin duna e motosaikel preferensia ku e
konsekuensia ku e motosikel a bai dal den e outo. Dor di e impakto aki e víktima su hèlmu a kita for
di su kabes i el a risibi heridanan di gravedat.
Ambulans ku a yega na e sitio a transportá e víktima di 56 aña di edat den un estado di prekupashon
pa Poliklinika di SEHOS pa tratamentu médiko. Despues di tratamentu e víktima a keda interná den
kuido intensivo di hospital.
Departamento di Tráfiko ta kontinuá ku e investigashon.

%d bloggers like this: