Advertisements

Nos selekshon nashonal U-17 di dama ta rumbo pa Trinidad & Tobago Pa partisipá na e promé buèlta di e torneo di kualifikashon di Karibe pa mundial U-17 di dama, organisá pa CONCACAF!

Nos selekshon nashonal U-17 di dama ta rumbo pa Trinidad & Tobago
Pa partisipá na e promé buèlta di e torneo di kualifikashon di Karibe pa mundial U-17 di dama, organisá pa CONCACAF!

Despues ku nos selekshon di dama U-20 i tambe nos selekshon U-15, ku a regresá resientemente, ta tin e oportunidat di saka kara di Kòrsou, awor ta toka turno na nos selekshon nashonal U-17 di dama pa representá nos dushi isla durante e promé buèlta di e torneo di CONCACAF pa kualifikashon di Karibe pa mundial di dama kategoria U-17 ku lo tuma lugá aya na Trinidad & Tobago.

Despues di dianan di trainingnan intensivo i un temporada di preparashon ekstenso, ayera, djaluna 21 di ougùstùs, nos selekshon nashonal di dama U-17 a biaha den oranan di atardi pa Miami pa despues sigui pa Trinidad & Tobago pa asina kumpli ku nan kompromisonan den e promé buèlta di e torneo di CONCACAF pa kualifikashon di Karibe pa mundial di dama kategoria U-17 ku lo tuma lugá di 23 pa 28 di ougùstùs próksimo.

Huntu ku nos tin 21 pais mas ku lo partisipá na e torneo aki. Total ta forma un kantidat di 22 pais ku a keda repartí den 5 grupo.

Nos selekshon ta forma parti di grupo A ku ta konsistí di e siguiente paisnan;

1. Trinidad & Tobago
2. US Virgin Islands
3. Grenada
4. Kòrsou

Skema di weganan:

Fecha Orario Tim di kas Bishitante Lugá
1 23 oug. 17 17:00 Grenada Kòrsou Ato Boldon Stadium
(Trinidad & Tobago)
2 18:30 Trinidad & Tobago US Virgin Islands
3 25 oug. 17 17:00 US Virgin Islands Grenada
4 18:30 Trinidad & Tobago Kòrsou
5 27 oug.17 17:00 Kòrsou US Virgin Islands
6 18:30 Trinidad & Tobago Grenada

Nos selekshon nashonal di dama U-17 ta konsistí di un grupo di 17 hungadó ku ta wòrdu dirihí pa Sra. Gesilene Roojer-Kerindongo ku ta e direktor tékniko di e selekshon aki i
Sr. Reynor Mercera ku ta e asistente di e direktor tékniko.
Tambe ta biaha huntu ku e selekshon Sra. Christine Davelaar ku ta esun enkargá ku e materialnan di nos selekshon, un masahista kual ta Sr. Norvin Allee i e hefe di delegashon ku ta Sr. Stanley Coffy, miembro di direktiva di FFK.

Nos selekshon ta konsistí di e siguiente hungadónan:

1. Shariëntely Fransisca
2. Shemodiëne Kanu
3. Thirza van Arkel
4. Sjullienne Martina
5. Taïsha Hansen
6. Lindsey Hart
7. Evy Huiskens
8. Rosheny Kastaneer
9. Ashanty Alexandre
10. Laeticia Koote
11. Fresheny Michiel
12. Anaïse Piar
13. Jurina Kook
14. Brayna Petronilia
15. Adamaris Poulo
16. Urvienska Trenidad
17. Riesmarly Tokaay

FFK i MCB kier a deseá nos selekshon di dama U-17 tur klase di éksito i tin sigur ku nan lo sa di hasi un bon trabou na Trinidad & Tobago den e promé buèlta di e torneo di CONCACAF pa kualifikashon di Karibe pa mundial di dama kategoria U-17!

Advertisements
%d bloggers like this: