Sindikatonan ABVO i BONECO ta será akuerdo di kolaborashon/koperashon

Sindikatonan ABVO i BONECO ta será akuerdo di kolaborashon/koperashon

WILLEMSTAD – Den fin di siman e sindikatonan ABVO i BONECO a firma un akuerdo di kolaborashon/kopershon. E sindikatonan tin respektivamente 81 i 48 aña di eksitensia. Minister Hensley Koeiman, tabata invitado spesial pa ta testigu di e akto ofisial ku a firma e akuerdo. E titular enkargá ku e kartera di Desaroyo Sosial, Labor i Bienestar a bisa pa e okashon ku e ta kere semper ku union ta haso forsa i ku e akuerdo e dos sindikatonan ppor sali mas fuerte pa interes di nan miembronan i bienestar di trhadónan di Kòrsou en general. Presidente Wendy Calmes i Erwin Koenze tambe a vosiferá nan satisfakshon pa e logro. Sr. Calmes a bisa ku e i sr. Koenze a trha hopi tempu huntu, tantu den nan puestonan komo lidernan sindikal, komo nan funshonnan komo empleado públiko trahando ku enkargonan pa mehorá e situashon di e trahadó. BONECO ya pa último dos luna tin ofisina den edifisio di ABVO na Brievengat i ta preparando pa selebrá mei siglo di eksistensia. Sr. Calmes a bisa na su turrno ku ABVO ta na altura kuantu kos tin pa mehorá den e situashon di labor den e sektornan ku ta enfoke di BONECO. Finalmente sr.. Calmes a bisa ku BONECO por ferwagt sosten di ABVO den e noble lucha ei.

%d bloggers like this: