Pronóstiko di tempu pa Kòrsou i bisindario bálido te djamars mainta 6:00 o.l., 22 di ougùstùs 2017.

Pronóstiko

Pronóstiko di tempu pa Kòrsou i bisindario bálido te djamars mainta 6:00 o.l., 22 di ougùstùs 2017.
Kompilá: djaluna 21 di ougùstùs 2017, 05:00 o.l. (09:00 UTC).
Tempu: Por lo general parsialmente nublá ku algun áwaseru. Posibilidat ku bos por zona tambe.
Temperatura máksimo lo alkansá 33 ºC i temperatura mínimo 27 ºC.
Solo ta sali 06:25 i ta baha 18:52 o.l.
Bientu: For di direkshon generalmente ost i por lo general moderá; forsa 3 te 4 (11 te 30 km/ora, 7 te 16 nudo). Den dia i durante di áwaseru, ráfaga de bes en kuando basta fuerte te posiblemente fuerte; forsa 5 te 6 (31 te 50 km/ora, 22 te 27 nudo).
Situashon general: Humedat i instabilidat proveé pa un ola tropikal situá awe riba e sekshon ost di Laman Karibe, lo yuda ku desaroyo di nubianan kapas pa produsí áwaseru, tantu awe i posiblemente tambe parti di mayan djamars. Den un otro aspekto, no tin indikashon ku e fluho di bientu lo kambia muchu pa e promé parti di e siman aki i e kondishon aktual di laman, trankil te moderá lo kontinuá.
Kondishon di laman: Trankil te moderá ku altura di olanan di entre 0.5 i 1.5 meter (entre 2 i 5 pia). Den áwaseru mas fuerte, esaki por alkansá 2 meter (6 pia).
Sistemanan signifikante di wer tropikal: Ningun.
Fenómeno spesial: Awe, djaluna, por mira un eklipse di solo parsial na Kòrsou. Luna lo kuminsá tapa solo 2:21 P.M. i gradualmente lo sigui tapa solo mas tantu te 3:40 P.M. Na e momentu kulminante aki, 63% di solo lo ta kubrí dor di luna. Despues di esei, luna lo sigui move bai i gradualmente mas i mas di solo lo bira visibel atrobe. Despues di 4:49 P.M. solo su aparensia lo ta normal un bes mas. Ministerio di Salubridat Medio Ambiente i Naturalesa ta rekomendá tur hende pa no keda wak dirèkt den solo, ya ku esei por kousa daño serio na wowo.
Ademas di e eklipse di solo aki, awe den mèrdia 12:39, solo lo ta posishoná règt riba Kòrsou. Esaki ta sosodé dos biaha pa aña i e próksimo biaha ku esaki sosodé lo ta 21 di aprel den próksimo aña.
Perspektiva te djárason: Parsialmente nublá i wer lo ta por lo general seku.
Meteorólogo: Coffie
E próksimo boletin di tempu lo wòrdu publiká djaluna 11:00 o.l. (15:00 UTC).

%d bloggers like this: