Advertisements

Mester atendé ku kriminalidat i armanan ilegal ku ta drenta nos pais na gran eskala

Mester atendé ku kriminalidat i armanan ilegal ku ta drenta nos pais na gran eskala

Manera ta konosi últimamente tin varios matansa a tuma lugá riba nos isla i konfiskashon di varios arma potente ku tin riba merkado. Mas ku djabièrnè último atrobe a konfiská 20 arma i droga ku ilegalnan, venezolano den e kaso aki, a purba drenta nos isla kuné. E echonan aki ta trese masha hopi konsternashon i prekupashon bou di nos pueblo. Siudadanonan ta prekupá i ta biba intrankil.
Pa Frakshon di MAN ta importante ku Gobièrnu por garantisá seguridat di e siudadano i evitá ku arma ilegal i droga ta drenta nos pais.

Nos sa ki esfuero Gobièrnu a bin ta hasi i nos di Parlamento ke duna mas sosten na e esfuersonan aki. Pa e motibu aki nos frakshon a entregá un petishon pa konvoká un reunion públiko di Parlamento pa debatí riba e tópiko aki.

Frakshon di MAN ta kere den un maneho di hustisia ku ta kombatí tur lokual ta ilegal ku ta drenta nos pais i ku ta empedí trankilidat di pueblo di Kòrsou.

Frakshon di MAN

Advertisements
%d bloggers like this: