Advertisements

‘MANEHO DI CULTURA….DEFENDIENDO NOS HISTORIA Y IDENTIDAD COMO PUEBLO !’

BENNY NISBET (PPA):
‘MANEHO DI CULTURA….DEFENDIENDO NOS HISTORIA Y IDENTIDAD COMO PUEBLO !’
E capitulo dedica na cultura den programa di PPA pa anjas ta worde jama ‘defendiendo nos identidad’ pa asina PPA pone accento cu un maneho di cultura di partido PPA lo ta dirigi pa ‘defende e identidad y historia di e Arubiano’ den tur sentido di palabra. Consciente si cu cierto momento dentro di e historia aki grupo grandi di migrante a bin traha y biba riba nos baranca stima y cu tempo a integra den e comunidad di Aruba y cu nan a trece cierto tradicion, costumber, musica cu tambe a worde acapara y de vez en cuando duna e toke arubiano manera nos tradiccion di Carnaval, Calypso, soca etc.
PPA tin deseo di pone e Departamento di Cultura den e districto di Noord y na mes momento inverti den un Instituto di arte, souvenir etc y tambe construe un Museum na Noord/Tanki Leendert y jama districto di Noord officialmente ‘districto di cultura’di Aruba.
Dentro di e maneho di cultura di PPA nos lo jama districto di San Nicolas ‘San Nicolas, Our Caribbean City’ unda e migrante di Caribe a pone un toke historico y multicultural Caribense. Aki e inversion di PPA lo ta dirigi con pa eleva e historia multicultural aki den forma di inverti den un Museum Historico Multicultural na San Nicolas. Un Museum cu lo inicia cu San Nicolas na 1800 dedica na e famianan di bieuw di San Nicolas, sigui pa e epoca di fosfaat di 1876 pa 1914 y continua cu e epoca di crudo/petrolio cu e presencia di Lago Oil & Transport Company pa despues dedica un capitulo grandi na esnan cu a bin di exterior y (nan isla/paisnan) for di unda nan a bin pa asina duna honor tambe na tur esnan cu un sesenta anja largo a pone nan stempel riba e desaroyo social/cultural di San Nicolas y vecindario. PPA lo finalisa e projecto di un carnival plaza combina carnival Museum na San Nicolas
Maneho di PPA lo purba duna realse na diferente districto di nos Isla nan historia nan crecemento y nan contribuiccion na desaroyo di nos pais riba varios tereno. Districto di Savaneta mester ricibi un projecto unda lo bai encontra algun cuadra cu ta refleha e historia di Savaneta. Unda e crecemento di e famianan di Savaneta y nan contribuiccion na Musica, na Deporte etc lo worde projecta. Na unda yuinan di Savaneta cu a occupa funcionan importante tambe lo worde estrena pa esnan den futuro sa nan historia y nan contribuiccion.
Na Sta Cruz PPA a projecta den varios programa un projecto cu lo refleha bida na Aruba den siglo 18, 19 y siglo 20…un projecto asina lo por bira masha bishita tanto pa localnan como pa nos bishitantenan den future. Tambe aki tambe un projeccion di historia di Sta Cruz nan juinan cu a despleha un rol importante riba e panorama nacional di nos pais como den nan districto pa desaroyo y progreso di generacionan cu lo sigui nos.
Maneho di PPA lo stimula y subsidia ‘folkloor’ di Aruba den tur sentido di palabra. Lo subsidia cierto fiesta nacional y lo pone premio disponibel di parti di gobierno/Departamento di Cultura.

Den e maneho aki ‘Oranjestad nos capital’ tambe lo ricibi atencion debido dentro di nos maneho di cultura p.e. PPA ta projecta cu nos ‘Museum Nacional di Aruba’ lo mester bin den e edificio di x DOW na unda na un forma creativo lo projecta desaroyo di henter Aruba. Di tal forma cu pasando oficina pa oficina lo bo encontra un capitulo di desaroyo historico di Aruba. Un kamber dedica na TUR Commandeur di Pais Aruba.. Un kamber dedica na nos Gezaghebber nan, Un kamber dedica na nos Gobernadornan y di kada uno nan periodo, nan historia y algo di nan bida y epoca den cual nan tabata encarga cu e funcion ey. Desaroyo di cierto instancianan importante na Aruba. Desaroyo di cierto gruponan cu a hunga un rol importante etc etc. Turista lo hanja un sitio pa bishita cu lo impacta e historia y cultura di un Isla chikito pero unda nos orguyo como arubiano pa nos historia lo hunga un rol impactante.Pero alumno y studiante pa ricibi nan historia bishitando e museum cu nan klasnan unda e maestro ta duna historia ‘meimei’ di historia.
Maneho di PPA lo institui y sostene un fiesta nacional cu ta sostene e desaroyo di e ‘folkloor’ di pais Aruba.
Cu e articulo aki PPA kier projecta un parti chikito di locual PPA lo kier projecta den un maneho di Cultura den futuro si acaso pueblo duna e lista combina di PPA/UPP e oportunidad di despleha un rol importante pa sala nos pais pero tambe pa duna nos pais direccion nobo unda e ‘ser humano ta central’ y unda e e derecho y identidad di e arubiano den curso di siglonan lo worde defendi debidamente.

Aruba, 20 di augustus 2017 Secretario General di PPA
Benny Nisbet

Advertisements
%d bloggers like this: