KOMUNIKADO DI KUERPO POLISIAL KÒRSOU Detenshon relashoná ku ladronisia di outo.

KOMUNIKADO DI KUERPO POLISIAL KÒRSOU
332 / 2017
21 ougùstùs 2017
Detenshon relashoná ku ladronisia di outo.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 21 ougùstùs 2017, alrededor di 01.35 or, personal di UST durante nan patruya
rutinario riba lugá di stashoná outo na Bapor Kibra a keda aserká pa un dama. E dama aki a
deklará na polis ku un ratu promé su outo, un Kia Picanto shinishi, a wòrdu hòrtá for di e
lugá di parker. Mesora polis a kuminsá ku un búskeda den e área i den Mamayaweg straat
A un Kia Picanto shinishi a pasa e unidat polisial. Na momentu ku e shofùr a nota presensia
di e unidat polisial e la hisa velosidat kore bai. Polis a bai tras di e outo aki ku riba
Mamayaweg straat B a pèrdè kontrol i dal kontra di un palu di lus. Shofùr di e outo a baha
for di e vehíkulo i purba kore bai pero polis a detené e hòmber, S.V.N. nasé na Kòrsou di 19
aña di edat, komo sospechoso di e ladronisia di outo ariba menshoná.
A present’é dilanti un Fiskal Ouksiliar

%d bloggers like this: