Buladó ku ‘meet & greet’ medayistanan Ranomi Kromowidjodjo i Ferry Weertman

Buladó ku ‘meet & greet’ medayistanan Ranomi Kromowidjodjo i Ferry Weertman

Evento ‘meet & greet’ pa rekoudá fondo pa e tim di natashon

WILLEMSTAD – Buladó Swim club ku hopi orguyo ta anunsiá ku a logra trese na Kòrsou e medayistanan Ranomi Kromowidjodjo i Ferry Weertman. Ámbos landadó a gana medaynan na Weganan Olímpiko i kamionatonan munidal i tin rèkortnan impreshonante riba nan nòmber.
Ranomi Kromowidjodjo, di 27 anja di edat, ta spesialisá den landamentu estilo liber.
Ranomi ta e promé hende muhé na mundu ku ta landa bou di 23 sekònde den estillo liber den un pisina di 25 meter. E ta 3 biaha medayista olímpiko i ta preparando pa Tokyo 2020.

Ferry Weertman ta ganadó di medaya di oro pa 10K open water na olimpiada ‘Rio 2016’ .
Na Fina Championschip na Budapest pa aña 2017 Ferry a sali promé lugá i medaya di oro komo kampion den 10k openwater.

E dos atletanan di renombre mundial aki lo bishitá Kòrsou di 22 di Ougùstùs pa 1 sèptèmber kaminda nan lo perkurá pa diferente klinika pa atletanan i hendenan ku ta praktiká deporte aquatiko.

Djarason 23 di Ougùstùs Buladó Swim club lo organisá un ‘meet & greet’ ku e dos atletanan komo un ‘fundraiser event’ pa e klup. Ku e fondo rekoudá Buladó lo kumpra ‘swim cap’ pa miembronan di e klup di natashon. E aktividat lo kuminsá 20:00 pm na SOV Asiento kaminda banda di por por sera konosí ku e atletanan medayista por wak screening di un dokumentario di nan preparashon i nan bida den e mundu di landamentu. Preis pa e evento aki ta 25.00 florin i pa asina kontribui ku e team. E dokumentario ta interesante no pa atletanan den natashon so, pero pa tur hóben atleta pa por prepará pa retonan pa logra metanan.

Pa e fundraiser meet & greet event por kumpra karchi por pasa tur atardi na SOV Asiento for di 17:00 or na Bulado Swim Club òf por yama 6995845 pa resevashon i mas informashon.

Bishitá e página di facebook Bulado swim club òf e website www.bulado.net pa keda altanto di tur aktividat di ‘Buladó’.

%d bloggers like this: