Advertisements

Pronóstiko di tempu pa Kòrsou i bisindario bálido te djadumingu atardi 18:00 o.l., 20 di ougùstùs 2017.

Pronóstiko

Pronóstiko di tempu pa Kòrsou i bisindario bálido te djadumingu atardi 18:00 o.l., 20 di ougùstùs 2017.
Kompilá: djasabra 19 di ougùstùs 2017, 17:00 o.l. (21:00 UTC).
KÓDIGO HEL: PREKOUSHON PA ÁWASERU FUERTE.

Tempu: Por lo general parsialmente nublá i áwaseru lo por kai prinsipalmente den mainta.
Temperatura máksimo lo alkansá 33 ºC i temperatura mínimo 27 ºC.
Solo ta sali 06:25 i ta baha 18:54 o.l.
Bientu: For di direkshonnan entre ost i sùitost, por lo general moderá; forsa 3 te 5 (11 te 39 km/ora, 7 te 21 nudo). Durante di djadumingu, ráfaga de bes en kuando te posiblemente fuerte; forsa 6 (40 te 50 km/ora, 22 te 27 nudo).
Situashon general: Awe djasabra atardi Tormenta Tropikal Harvey a suak i bira un depreshon na mas o ménos 225 km nort nortwèst di Kòrsou. E sistema tropikal aki lo sigui alehá di nos region, miéntras humedat i instabilidat asosiá ku e sistema ainda por sòru pa algun nubia kapas pa produsí áwaseru. Ademas, e fluho di bientu suak ku nos tin awor aki lo oumentá gradualmente for di mayan mainta i bira un bes mas moderá te basta fuerte.
Kondishon di laman: Por lo general moderá ku altura di olanan di entre 0.5 i 1.5 meter (entre 2 i 4 pia).
Sistemanan signifikante di wer tropikal: Tormenta tropikal Harvey a suak i bira un Depreshon Tropikal nort nortwèst di Kòrsou miéntras esaki ta alehá su mes di nos área. Motibu pa kua a emití e último boletin di informashon tokante e sistema aki.
Fenómeno spesial: Ningun.
Perspektiva te djaluna atardi: Parsialmente nublá. De bes en kuando hopi nublá i chèns pa awa kai.
Meteorólogo: Coffie
E próksimo boletin di tempu lo wòrdu publiká djadumingu 05:00 o.l. (09:00 UTC).

Advertisements
%d bloggers like this: