Pronóstiko di tempu pa Kòrsou i bisindario bálido te djasabra atardi 6:00 o.l., 19 di ougùstùs 2017.

Pronóstiko

Pronóstiko di tempu pa Kòrsou i bisindario bálido te djasabra atardi 6:00 o.l., 19 di ougùstùs 2017.
Kompilá: djabièrnè 18 di ougùstùs 2017, 05:00 o.l. (09:00 UTC).
KODIGO HEL: TORMENTA TROPIKAL HARVEY LO SIGUI MOVE WEST, A EMITI UN BOLETIN DI INFORMASHON.

Tempu: Por lo general parsialmente nublá i generalmente seku, mayan lo ta hopi nubla ku algun áwaseru i un posibel bos ku welek,
Temperatura máksimo lo alkansá 34 ºC i temperatura mínimo 26 ºC.
Solo ta sali 06:25 i ta baha 18:54 o.l.
Bientu: For di direkshon ost i moderá; forsa 3 te 4 (11 te 30 km/ora, 7 te 16 nudo). Prinsipalmente durante dia òf áwaseru, ráfaga de bes en kuando te basta fuerte; forsa 5 (31 te 39 km/ora, 17 te 21 nudo).
Situashon general: Tormenta tropikal Harvey ta move den un direkshon west dor di Karibe. E sistema aki ta move durante transkurso di mayan mainta pa atardi nort di nos isla. tambe mayoria di e wer di sistema aki lo pasa nort di Kòrsou. E humedat asosiá ku e disturbio aki lo okashoná formashon di mas nubia riba nos region ku lo produsí algun áwaseru ku chèns pa bos ku welek.
Kondishon di laman: Trankil te moderá ku altura di olanan di entre 0.5 i 1.5 meter (2 i 6 pia).
Sistemanan signifikante di wer tropikal: Tormenta Tropikal Harvey awe atardi den ost di Karibe. E sistema tropikal aki ta moviendo den direkshon wèst i lo drenta nos region mayan. Servisio Meteorológiko Kòrsou lo sigui e desaroyo di e sistema aki hopi di aserka.
Fenómeno spesial: Ningun.
Perspektiva te djadumingu mainta: Parsialmente te hopi nublá ku chèns pa algun áwaseru lokal.
Meteorólogo: Figueroa.
E próksimo boletin di tempu lo wòrdu publiká djasabra 05:00 o.l. (09:00 UTC).

%d bloggers like this: