‘MENSAHE CRUCIAL…..ALTERNATIVA PA ‘GOOD GOVERNANCE Y PROGRESO BALANSA’ SIN DUDA PPA/UPP !’

BENNY NISBET(PPA)
‘MENSAHE CRUCIAL…..ALTERNATIVA PA ‘GOOD GOVERNANCE Y PROGRESO BALANSA’ SIN DUDA PPA/UPP !’

E mensahe mas crucial cu a sali di e debate organisa pa KvK indudablemente ta riba e tereno di ki nivel di gobernacion pueblo ta desea den future y con ta garantisa cu nos progreso economico lo ta mara na p.e. nos Mercado laboral y un periodo responsabel. Tambe con lo por garantisa ‘good governance y controle’ di otro den e proximo gobierno di pais Aruba.
Di e esnan cu a hiba palabra indudablemente drs. Booshi Wever representando e lista di combinacion PPA/UPP tabata e mensahe di mas crucial durante henter e debate. Na varios ocaccion drs. Booshi Wever a logra presenta e mensahe mas importante pa futuro di pais Aruba mirando e crisis den cual pais Aruba ta riba tereno financiero-economico di nos pais esta ki clase di gobernacion nos pueblo ta desea pa prepara nos futuro.
E palabranan di e vetarano tabata cla pa esun cu kier scucha…..Si bo kier mal gobernacion, creamento di mas debe etc continua ‘be my guest’ referiendo tanto na AVP como otro partido politico pero si bo ta desea e principionan di ‘good governance, controle debido riba otro y un progreso balansa anto indudablemente e lista di PPA/UPP ta ofrecebo esaki den un forma cla y raspa.
PPA y UPP su voceronan tambe a hiba nan mensahe den forma cla pa nos pueblo riba tereno economico sra Karlie Ng, riba tereno di criminalidad sr. Eddy Bennett, riba tereno di Salud Publico drs. Raymond Hernandez y riba tereno di Ensenansa sra Mireille Sint Jago. Diversificacion di nos producto di Turismo, Diversificacion di nos Economia, Maneho pa frene criminalidad, un maneho responsabel di Salud Publico unda e ser humano ta central y un maneho di Ensenansa unda e alumno/studiante ta ricibi mas atencion pa un miho calidad di Ensenansa.
Pueblo por ta sigur …cu den e combinacion di Lista PPA/UPP a nace un alternative real . No un Alternativa basa riba fondo absurdamente hopi di algun Kapitalista…..No un Alternativa unda interes di AVP lo worde sirbi door di partido P.O.R. Pero un alternativa Independiente PPA/UPP basa riba e experiencia di tanto UPP como PPA. PPA ademas cu bao Liderato di un Joben sra Karlie Ng….un alternativa serio cu NO ta priminti cu lo legalisa cannabis/marihuana recreational….cu no ta priminti cu lo mag di plant cannabis/marihuana …..pero un combinacion cu ta papia cu lo por regla cannabis medicinal bao di regla y door di experto.
Tanto PPA como UPP tin nan programa di vision y deseonan pero tur ta mara na e principionan di ‘good governance’ y un progreso balansa mara na Mercado laboral di nos pais. Un miho alternativa pa pueblo por scoge NO a projecta su mes durante e debatenan te awor aki !!
PPA/UPP lo sigui cu nos lucha y ta keda cu e confianza cu un parti grandi di nos pueblo a capta e mensahe crusial di e lista combina di PPA/UPP …… SIN DUDA ’Good Governance y un Progreso Balansa’.
Sostene y juda nos lista combina campanja durante e ultimo 5 siman nos dilanti pa asina e resultado dia 22 di September lo nifica cu ningun partido ta hanja un majoria absoluto pero cu nan lo mester bai forma un coalicion na unda e combinacion di PPA/UPP lo despleha un rol responsabel dentro di e mensahe cu nos ta projecta.
Sostene Aruba ….pa e PROXIMO NIVEL y UN MIHO MAJAN !!

Aruba, 18 di augustus 2017 BENNY NISBET,
Secretario General di PPA

%d bloggers like this: