IMAGEN NAN ESKLUSIVO DI PERSIKUSHON KU A KABA DEN AKSIDENTE KU DOS MORTO

Den oranan di marduga personal di Wardakosta a detektá un lancha na parti Nòrt di nos isla i un patruya a bai na e sitio pa kontrolá e lancha. Aki a bin enkontrá un vehikulo Honda model SUV ku 8 persona aden. A start un persegushon ku a terminá riba Kaminda Mitologia pa motibu di un aksidente. Durante di e persegushon personal di Wardakosta a tira dirigí riba e vehikulo i 1 persona a risibí tiru den su kabes. Den e vehikulo tabata tin droga i armanan di kandela ku a keda tirá for di e vehikulo na altura di Jan Luis. Te na e momentu aki tin 6 bultu di droga ku ta konsistí di 6 paki kada un i 10 arma di kandela bon lorá den plèstik konfirmá. Na momentu ku e persegushon a terminá den aksidente tabata tin 2 persona ku a pèrdè nan bida, di kual un di nan ta un dama. E 6 otro personanan a resultá heridá i a keda transportá ku urgensia pa poli. Un di nan su situashon ta kritiko.

%d bloggers like this: