HOPI POTRET MINISTERIO PUBLIKO TA HAÑA VARIOS ARMA DI KANDELA

Info OM:

Djaweps 17 di ougùstùs 2017, durante entradanan hudisial, a bin haña 6 arma di kandela ilegal i munishon. Ta trata di arma di kandela, kashi pa warda bala (patroonhouders), 1 handgranaat, 2 unifòrm di polis, 1 unifòrm di militar i a konfiská artíkulonan di importansia.

E entradanan hudisial mainta i mèrdia na 3 adrès no a duna resultado. A base di informashon nobo a kontinuá ku búskeda atardi den e mesun areá na unda a diskubrí e artíkulonan menshoná. Fiskal di Ministerio Públiko na e momentunan aki no ta deskartá mas entrada hudisial den e kaso aki.

E akshonnan di djaweps a keda ehekutá pa funshonarionan di polis di KPC ku a haña sosten den esaki di un team spesialisá di búskeda di Defensa. E entradanan hudisial a tuma lugá bou di responsabilidat i den presensia di un Fiskal di Ministerio Públiko (OM).

%d bloggers like this: