BAN SKOL ! Ban Yuda Kuida Futuro di Nos Yunan

BAN SKOL !
Ban Yuda Kuida Futuro di Nos Yunan

Komunikado, Willemstad, 18 ougùstùs 2017.

Oportunidatnan NOBO na komienso di un Aña Eskolar NOBO.
Nos kada un mester kumpli ku e responsabilidat ku nos tin pa ku Enseñansa di nos yunan, ku e meta pa sigurá pa nan un lugá den nos komunidat.
Gobièrnu di Kòrsou na nòmber di komunidat di Kòrsou a perkurá pa tur e parti finansiero i organisatorio pa kada mucha riba nos isla por disfrutá di un bon Enseñansa i un bon edukashon . Direktivanan di skol tambe a perkurá pa tur loke ta nesesario pa e aña eskolar aki ta unu eksitoso.
Maestronan ya kaba tin simannan ta preparando pa risibí nos alumnonan.
Mayornan tambe a kumpli ku nan parti perkurando paña, sapatu, tas, i tur loke nan yu tin mester pa drenta e aña eskolar nobo.

Lei Obligatorio di Enseñansa i Lei di Formashon Soshal
Awe nos ke para ketu riba e ophetivo i e responsabilidat ku e Lei OBLIGATORO di Enseñansa i Lei di Formashon Soshal ta pone riba nos kada un. E leinan aki ta splika detayadamente kua ta e derecho- i obligashonnan di e mayor/voogd, kabes di skol i amtenarnan enkargá ku mantenshon i supervishon di kumplimentu pa ku e leinan aki.

Ta importante pa nos komprondé e pakiko di e Leinan aki esta ku e ta un medio legal pa garantisá ku TUR hóben riba nos isla (legal i ilegal) por partisipá i TA partisipá na nos Enseñansa pa asina adiestrá nan mes, prepará nan mes pa un trabou den futuro.

Ophetivo di e Leinan aki ta pa garantisá i kuida e derechi riba Enseñansa i asina garantisá ku hóbennan ta bon ekipá ku konosementu i abilidatnan ku na tin mester

di dje pa sigurá pa nan mes i riba nan mes un lugá den nos komunidat i mehorá nan chènsnan riba merkado laboral.

Eksigensha pa esaki ta ku e hóben ta finalisá su enseñansa ku éksito kual ta un kalifikashon ku ta pèrmiti start (startkwalificatie) o diploma (HAVO, VWO, SBO o VSBO- PKL of VSBO -TKL) . Un hóben ku tin un diploma o un prueba di kalifikashon inisial no ta mará mas na e leinan aki.

Ken ta obligá di BAI SKOL – NA Ki edat?

Lei di Obligashon di Enseñansa.
Obligashon pa bai i ta na skol ta pa edatnan 4 te ku 18 aña

Lei di Formashon Soshal
Obligashon pa inskibí i ta siguiendo un trayekto alternativo di preparashon i ta konta pa hóbennan di 16 pa 24 aña . Hóbennan mester inskribí nan mes na e Unidat enkargá ke e trabounan aki na UOW. Registro ta tuma lugá via telefòn di djaluna pa djabièrne na telefòn 7324-323 o 7324-279 entre 08.00 – 12.00 mainta i di 13.30 – 16.30 den parti di atardi.
Kua ta e responsabilidatnan ku lei ta duna i na ken?

Mayornan
Mayornan mester inskribí nan yunan den nos sistema di enseñansa regular (Skol di fundeshi HAVO, VWO, SBO, VSBO ).
Nan ta para responsabel tambe pa nan yunan te ku 12 aña

Hóbennan
Hóbennan for di 12 aña ta responsabel pa kumplimentu ku e lei aki. Nan tin di ta na skol ora tin skol i ta obligá di
BAI SKOL.

Kabes di SKol Kabes di skolnan ta responsabel pa registrá tur alumno i mèldu esaki na Ministerio di Enseñansa (U.O.W) ora ku alumnonan ta faya ku e lei aki.

Unidat Mantenshon Ta enkargá ku supervishon di mantenshon di e Lei aki di Lei ” i trahamentu den KADENA ku partnernan den Enseñansa (stakeholdres i funkshonarionan interministerial)

Komunidat
Dunando nan aporte pa yuda kuida futuro di nos yunan ku ta futuro di nos Pais.

Minister di Enseñansa, Siensia, Kultura i Deporte sra. Marilyn Alcalá-Wallé den kuadro di e Programa di Gobernashon tin komo punto di enfoke pa baha faltamentu no aprobá di skol i speibelmentu d lèsnan.

Nos tur mester realisá ku faltamentu ku skol i ripitishon di e mal aktitut aki ta indikativo pa mas adilanti kai atrás den dominio di materia(nan) na skol, duplikashon di e mesun aña eskolar ku ta un pèrdida di tempu i plaka innesesario i finalmente te hasta por hiba mas adilanti den kaimentu for di nos Enseñansa regular.

Minister Mariln Alcalá- Wallé mas adilanti lo duna mas inforamshon riba e tema aki i lo hasi sigur ku komo nashon nos lo komprondé e importansha pa nos yunan ku ta na edat di bai skol ta na skol ora tin skol. I ta siñando un fichi ku ta permitiele sigurá pa su mes un kupo d trabou riba nos merkado laboral.

Próksimamente nos lo splika kua ta e úniko momentonan ofisial ku por haña pèrmit pa por falta ku skol i kon e trabounan di mehoramentu di e Unidat di Supervishon i di Mantenshon di e lei Obligatorio di Enseñansa i Lei Obligatorio di Formashon Soshal ta hinká den otro.

Finalmente Minsiterio di Enseñansa, Siensia, Kultura i Deporte lo rekordá henter nos komunidat na mas ku un okashon, kua ta e dianan ofisial di skol i e dianan ofisial pa fakansi .

[pdf-embedder url=”https://kikoapasa.com/wp-content/uploads/BAN-SKOL-Komunikado-14-ougústús-2017.pdf” title=”BAN SKOL Komunikado 14 ougústús 2017″]

%d bloggers like this: