Pronóstiko di tempu pa Kòrsou i bisindario bálido te djabièrnè atardi 18:00 o.l., 18 di ougùstùs 2017.

Pronóstiko

Pronóstiko di tempu pa Kòrsou i bisindario bálido te djabièrnè atardi 18:00 o.l., 18 di ougùstùs 2017.
Kompilá: djaweps 17 di ougùstùs 2017, 17:00 o.l. (21:00 UTC).

Tempu: Por lo general parsialmente nublá ku chèns pa un áwaseru lokal.
Temperatura máksimo lo alkansá 32 ºC i temperatura mínimo 26 ºC.
Solo ta sali 06:25 i ta baha 18:55 o.l.
Bientu: For di direkshon ost i moderá; forsa 3 te 4 (11 te 30 km/ora, 7 te 16 nudo). Prinsipalmente durante dia òf áwaseru, ráfaga de bes en kuando te basta fuerte; forsa 5 (31 te 39 km/ora, 17 te 21 nudo).
Situashon general: Siklon Tropikal Potensial Nuebe a bira Tormenta Tropikal Harvey awe tardi. Durante di próksimo 24 ora, Harvey lo drenta Área di Karibe. Pa e motibu aki, debí na un oumento di humedat asosiá ku e disturbio aki, ta antisipá formashon di algun nubia riba nos region. E nubianan aki por generá un áwaseru lokal durante oranan di mañan mainta riba nos isla.
Kondishon di laman: Trankil te moderá ku altura di olanan di entre 0.5 i 1.5 meter (2 i 6 pia).
Sistemanan signifikante di wer tropikal: Tormenta Tropikal Harvey awe tardi tabata situá na un distansia di mas o ménos 400 kilometer ost di Barbados. E lo drenta Área di Karibe durante awe nochi i mañan mainta. E sistema tropikal aki ta moviendo den direkshon wèst. Servisio Meteorológiko Kòrsou lo sigui e desaroyo di e sistema aki hopi di aserka.
Orkan Gert a bira un siklon post-tropikal i ta sigui move den direkshon nortost riba parti nort di Osean Atlántiko. Pa e motibu aki, lo no menshoná Gert mas den nos boletinnan di tempu.
Fenómeno spesial: Ningun.
Perspektiva te djasabra atardi: Parsialmente te hopi nublá ku algun áwaseru ku chèns pa welek i bos.
Meteorólogo: Rombley.
E próksimo boletin di tempu lo wòrdu publiká djabièrnè 05:00 o.l. (09:00 UTC).

%d bloggers like this: