PARTIDO ‘AVP/POR Y MEP’ A FAYA DISTRICTO DI NOORD SERIAMENTE !!

BENNY NISBET (PPA):
PARTIDO ‘AVP/POR Y MEP’ A FAYA DISTRICTO DI NOORD SERIAMENTE !!
Cu gran interes PPA ta sigiendo e asina jama lucha entre MEP y AVP/POR pa logra pa e votadornan di Noord para nan tras den e eleccionan actual. E pregunta ta si e pueblo di Noord realmente ta cla pa analisa con e partidonan aki NO a sirbi e interes di e districto di Noord di curso di tempo !!
Desaroyo di Turismo…gracias na PPA !!
Na prome lugar districto di Noord a desaroya su mes immensamente despues cu bao di liderato di PPA, Sr Juan E Yrausquin q.e.p.d. a inicia cu Turismo anto riba beachnan den districto di Noord. Esaki tabata e simiya planta cu a hasi cu Noord a cambia for di un districo humilde relativamente keto pa un districto economicamente fuerte y dinamico.
Necesidad basico di districto di Noord !!
Sin embargo den curso di tempo esnan cu a goberna pais Aruba NO a dedica atencion na necesidad basico di districto di Noord. Riba tereno di ensenansa apesar di Noord su crecemento substancial ningun gobierno despues di entrada No a presenta plannan pa p.e. un MAVO, HAVO of VWO scol pa districto di Noord. Tabata PPA su fraccion consistiendo di sr Glende Gil, ciudadana respeta di Noord y Benny Nisbet cu a presenta e mocion historico aki …splicando e crecemento formal di districto di Noord…y cu ta imposibel pa mantene Noord den un situacion di tanto scol ‘basico’ SIN un scol di MAVO y segiduidamente HAVO y VWO fraccion di PPA a logra pa nan mocion pasa Staten UNANIMAMENTE !! Ta imposibel pa comprende con despues di 5 anja extra di gobernacion di MEP y 8 anja di gobernacion di AVP …cu ainda NI e MAVO corda e HAVO, VWO a bira realidad!
Anotacion: E projecto cu gobierno di MEP a prepara NO a tene cuenta cu e MAVO cu Noord tin mester solamente un HAVO/VWO pero nan a tarda 5 anja pesey AVP su gobierno a hanja e oportunidad pa usa e fondo aki pa otro projecto…SI a duna e vision aki prioridad lo e mester por a worde ejecuta prome kaba.
Den e mesun mocion aki di maart 2004 fraccion di PPA a argumenta e necesidad tambe di un ‘gymnstiekzaal project’ gigantesco pa sirbi diferente scol di tanto Noord como Tanki Leendert…esaki tambe a pasa den e mocion menciona y awe 13 anja despues DI tanto MEP como AVP/POR como Noord ta presentando nan mes como salbador di Noord na pueblo di Noord…mientras cu nan a faya pueblo di Noord barbaramente.
Anotacion: Tan leeuw cu nos sa e parti aki di e mocion Unanimamente aproba pa Staten NO a ricibi atencion tampoco den e projecto prepara pa gobierno di MEP y no ejecuta pa gobierno di AVP !
Atencion pa nos Grandinan!!
Despues cu e mocion presenta pa sr. Benny Nisbet/PPA, pa gobierno para e projecto unda lo renova un scol atrobe como cas pa nos grandinan na San Nicolas y prepara un projecto basa riba e ‘derecho riba privacidad pa nos grandinan’…un mocion cu a hasi historia y e projecto di AVP/MEP a worde para pa un estudio a worde hasi riba e mocion di fraccion di PPA cu a pasa Staten 20 – 0 (ausente un miembro di AVP !) fraccion di PPA a presenta otro mocion historico …unda PPA a sali na defensa di nos grandinan biba den districto di Noord y Sta Cruz….defendiendo necesidad pa e mesun projecto basa riba ‘derecho riba privacidad’ di nos grandinan worde ejecuta na Noord y Sta Cruz tambe. Unanimanente parlamento a aprobe e mocion aki di PPA na anja 2005!
Pero e pregunta atrobe mester ta: Cu MEP na mando ainda durante 2005, 2006, 2007, 2008 y 2009 Unda e cas pa nos grandinan pa districto di Noord y Sta Cruz a keda ? Esaki sigui pa AVP/POR den gobierno for di 2009 pa awe 2017 …Unda e cas pa nos grandinan a keda ? Visiblemente e pueblo di districto di Noord NO a ricibi e atencion necesario di parti di tanto MEP como AVP..Pero si awe nan te den un campanja formal pa e votonan di pueblo di Noord.
INFRASTRUCTURA DI NOORD VISIBLEMENTE A BAI ATRAS!!
Mientras cu e actual gobierno AVP/POR a inverti un 1.5 billion florin (1500 million florin) den infrastructura den careterenan grandisimo…visible ta cu e mantencion y construccion di e infra-structura den districto di Noord a cai atras anto esaki seriamente. Specialmente e careteranan principal. E pregunta mas cardinal ta cu durante 8 anja kizas e gobierno di AVP no a tene cuenta cu infrastructura den districto di Noord pero den parlamento tampoco nos no a tende oposicion e.o. MEP defendiendo necesidad di infrastructura miho den districto di Noord !!
Esaki ta algun di e realidad cu pueblo di Noord mester tene debidamente cuenta cunele durante nan evaluacion pa kende nan lo deposita nan voto e eleccion aki. PPA ta spera cu lo tin suficiente ciudadano den districto di Noord cu lo evalua e informacion aki obhetivamente y debidamente prome cu nan tuma nan decision pa kende nan lo vota e eleccion aki.
JOBIDA….?
Cuanto jobida a tuma lugar cu a destrui un gran candidat di comercio y casnan di nos pueblo den districto di Noord(e.o. Palm Beach y vecindario pero tambe otro sitio !)….Ni gobernacion di AVP NI di MEP no a duna un contesta debido pa e mal planificacion di pasado unda visiblemente a sera cierto ‘rooinan’ cu tabata sirbi como un ‘sistema natural pa e awa por bai pa lama !
PPA ta priminti sagradamente di’
A. PPA lo cumpli cu e projecto di un MAVO-HAVO-VWO pa districto di Noord…ta nos vision y ta necesidad di pueblo di Noord !!
B. PPA lo cumpli cabalmente cu e ‘gymnastiekzalen project’ pa districto di Noord/Tanki Leendert !!
C. PPA lo cumpli cabalmente cu inversion den un ‘cas moderno pa nos grandinan’ den districto di Noord conforme nos mocion di 2005 !
D. PPA lo cumpli cabalmente den mantencion di e infrastructura y construccion di caretera nobo den districto di Noord y mucho mas cu nos ta convensi ta necesario.
E. PPA lo presenta y ejecuta un plan pa drecha e problematica di awa causa pa jobida den districto di Noord periodicamente.
F. Fuera di tur esaki PPA a cualifica districto di Noord como e ‘districto cultural’ di nos pais !! PPA tin intencion di construi un museum den districto di Noord y dedica atencion pa un projecto di nos ‘folklore’ un Mercado di Arte, Souvenir, Musica y Cultura pa projecta e ‘folklore arubiano’ cu Noord ta projecta ‘sin igual’.
Anotacion….Tur locual nos ta menciona como nos programa ….ta mara na principio di GOOD GOVERNANCE y na ejecucion bao cierto condicion e.o. e espacio cu nos mercado laboral ta duna !!.

Basa riba esaki y mucho mas PPA ta hasi un apelacion sincero riba pueblo di Noord di dedica atencion na mas partido cu solamente AVP y MEP…evalua e otro organisacionan politico seriamente. Y den esaki PPA, funda pa sr. Juan E Yrausquin q.e.p.d. awe encabeza pa sra Karlie Ng riba lista combina di PPA/UPP. Nos lo bin bek cu mas informacion pa hustifica nos ponencianan debidamente… sostene y vota PPA/UPP ‘Aruba y Noord ……pa e Proximo Nivel y un Miho Majan!!’
Aruba, 17 augustus 2017 Secretario General di PPA
BENNY NISBET

%d bloggers like this: