Advertisements

Minister Koeiman ta risibí di Shekinah Apostolic Prophetic Church Foundation un kantidat di tas i produkto pa skol pa repartí via Kasnan di Bario

Minister Koeiman ta risibí di Shekinah Apostolic Prophetic Church Foundation un kantidat di tas i produkto pa skol pa repartí via Kasnan di Bario

WILLEMSTAD – Minister Hensley Koeiman, na víspera di e aña eskolar nobo, a risibí un invitashon di Shekinah Apostolic Prophetic Church Foundation. E fundashon su vishon ta a hiba evangelio na pober, viuda i huérfanonan. Banda di esaki, riba un base regular, e fundashon ta perkurá pa paketenan di kuminda ku ta pone disponibel na Kasnan di Bario pa esnan di ménos rekurso di nos komunidat.
Miembronan di e fundashon Shekinah Apostolic Prophetic Church resien a tene diferente aktividat pa rekoudá fondo pa por a kumpra tasnan di skol i produktonan nesesario pa skol pa otorgá na muchanan via di Kas di Bario. Banda di e fondo rekoudá, mester menshoná ku a risibí donashon di diferente persona i instansia. Minister Hensley Koeiman a tuma e tasnan i produktonan na nòmber di ministerio SOAW i a informaá ku via Kasnan di Bario lo perkurá pa esakinan yega na esnan mas nesesitá. E titular enkargá ku e ministerio di Desaroyo Sosial, Labor i Bienestar a gradisí e fundashon pa e trabou valioso ku miembronan di e organisashon a bin ta hasi. Finalmente Minister Koeiman a deseá tur hóben di nos komunidat hopi éksito durante di e aña eskolar nobo.

Advertisements
%d bloggers like this: