Advertisements

KOMUNIKADO DI KUERPO POLISIAL KÒRSOU Ehersisio konhunto ku VKC i Defensie

KOMUNIKADO DI KUERPO POLISIAL KÒRSOU
323 / 2017
17 ougùstùs 2017
Ehersisio konhunto ku VKC i Defensie
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Manera pa un temporada kaba ta e kaso, Kuerpo Polisial Kòrsou ta train téknika(nan) di
‘Crowd & Riot Control’ huntu ku Vrijwilligers Korps Curaçao i Defensie pa asina tene nan
kalidat riba nivel i hasi e preparashon nesesario pa kualke eventualidat ora esaki ta
nesesario. Den maneho i planifikashon konhuntamente ta stipulá i akordá fecha(nan)
spesífiko ku e ehersisionan ta tuma lugá. E aña aki ya kaba un ehersisio konhunto a tuma
lugá ku tabata hopi eksitoso i benefisioso pa tur instansia envolví.
Djasabra 19 ougùstùs 2017 den oranan di anochi e organisashonnan ariba menshoná lo
train na unifòrm den vehíkulonan polisial rekonosibel den e área di Punda. Mas lat lo tin
ehersisio na diferente otro sitio na Kòrsou te den oranan di mainta.
Lo tuma e medidanan apropiá pa e públiko haña ménos molèster posibel di e ehersisio aki.
Nos ta pidi un i tur pa tene kuenta ku e ehersisio aki ta tuma lugá den e área di Punda i
diferente otro sitio na Kòrsou.
Pa kualke informashon adishonal por tuma kontakto ku Hefe di Departamento di
Komunikashon i Prevenshon Reggie Huggins na number di telefòn 560-2715 òf e kordinadó
Alfred Suares na number di telefòn 510-2715

Advertisements
%d bloggers like this: