“ARUBA SU PRODUCTO TURISTICO DEN CUADRA DI E PANORAMA POLITICO DI CARIBE ?”

BENNY NISBET (PPA):

“ARUBA SU PRODUCTO TURISTICO DEN CUADRA DI E PANORAMA POLITICO DI CARIBE ?”

Un vision sumamente importante segun PPA ta e vision di e producto turistico di Aruba di futuro y esaki den cuadra di e panorama turistico den Caribe ! P.e. Cuba y Merca a mehora nan relacion y Cuba ta absorbando un gran cantidad di turista cu ta desea di bishita Caribe mientras cu cierto sector nobo manera ‘health & wellness’ ta acaparando hopi atencion di turistanan ….con Aruba su producto lo ta den futuro ?
Na e momento aki producto di turismo di nos pais Aruba ta consisti di casi 40% timesharing casi 20% All inclusive y un 30% di Hotel normal (2,3 y 4 star) mientras cu nos tin un cantidad di apartments etc…! Tambe Aruba su turismo ta basa riba un 13 casino. Pa no lubida cu Aruba su Turismo ta consisti tambe di ‘Cruise-tourism’…Un vision completo lo mester por duna un vista den ki direccion pais Aruba lo mester desaroya su mes pa keda un destinacion competitivo y den Top di e area di Caribe.
PPA ta kere den un moratorium riba construccion di Hotel cu DOS excepcion…..1. Dos business hotels si Aruba logra e Aruba World Trade Center y 2. Tres hotel rond di e International Golf Course na Seroe Colorado cual ta mara na DIEZ anja y e Mercado laboral local….y e hotelnan lo mester ta uno como SPA hotel y dos na nivel di 4 of 5 star pa eleva nos producto turistico!
VISION DI PPA:
PPA ta di opinion cu Aruba NO a worde prepara pa confronta e futuro competitivo den Caribe pa acapara mas turista of miho bisa turista di calidad den futuro. PPA ta di opinion si Aruba no worde prepara pa esaki durante e periodo aki Aruba lo por worde perjudica severamente den futuro sercano.
Pa tal motibo vision di PPA ta dirigi riba prepara e producto turistico di Aruba pa e competencia den futuro den Caribe !!
Y pa tal motibo PPA ta kere den mehora y diversifica nos producto turistico:
A. Den dedica atencion mas na ‘Convention Tourism’ !
B. Hasi Aruba un ‘Golfersdestination’!
C. Crea un sector di ‘Health & Wellness Sector’!
D. Inverti den un ‘San Nicolas, Our Caribbean Town’!
Convention Tourism….ta un Mercado biljonario den mundo cual ta worde crea door di empresanan biljonario cu ta busca destinacionan interesante pa hiba nan staf y personal, agencianan, pa durante algun dia dedica atencion na nan empresa, nan servicio y nan productonan. Aruba NO ta participante real den e desaroyo aki. Y ta den e cuadra aki PPA ta boga e.o. pa un Aruba World Trade Center pa Aruba por tin e fascilidadnan grandi pa por ofrece esaki ta mundo di comercio y International Trade pa nan por organisa nan actividadnan riba nos Isla stima creando cupo di trabao di valor pa nos trahadornan. Ta conoci cu un bon margen di ‘convention tourism’ lo laga un 50% mas pa cabez di kada turista cu bishita nos Isla.
Golfersdestination….? Pa un destinacion turistico worde considera como un ‘Golfersdestination’ e destination aki lo worde considera ora e tin varios ‘golfcourse International(18 hole)’ pa ofrece e segmento aki. Aruba tin Un golfcourse International y dos golfcourse chikito di algun (9)buraco. Awo naturalmente Aruba mester tene cuenta cu nos tin tereno ta limita y nos mester ta cuidadaso pa con nos ta comparti esaki. Sin embargo PPA ta di opinion cu entodo caso tin espacio pa un di dos ‘golfcourse International’ y pa hopi anja kaba PPA ta boga pa e ‘golfcourse’ aki worde construi na Seroe Colorado San Nicolas. E golfcourse aki lo NO costa caha di gobierno di Aruba NI un cent!! PPA ta boga pa for di caha di ATA un suma di entre 12 pa 14 millon worde saca 6 of 7 million durante dos anja pa asina financia e International Golf Course na Seroe Colorado. Tres sitio lo worde indica pa construccion di futuro hotelnan cu No mag di ta ‘all inclusivo’ y preferable ta di segmento hotelero cu Aruba NO tin na e momento aki p.e. un SPA hotel cu lo pas den e ‘Health & Wellness sector’ cu PPA lo kier desaroya. Y demas DOS HOTEL lo mester ta di un nivel halto manera 4 of 5 star pa asina hiza e producto turistico cu Aruba ta ofrece e mundo turistico. *** Na mes momento PPA kier accentua cu nos desaroyo lo worde ejecuta den un periodo amplio (diez anja ) y lo ta strictamente mara na crecemento di nos Mercado laboral arubano!!
HEALTH & WELLNESS !!
For di eleccion 2005 PPA tabata e prome y unico partido politico cu a projecta un vision pa un desaroyo di ‘health & wellness’ dentro di nos producto turistico di Aruba. Na mes momento nos ta bon informa cu desde 2007 Caribbean Tourism Organisation a hasi un esfuerzo pa interes varios gobierno di e diferente isla mientro di CTO pa bira interesa den e segmento aki di turismo. Lastima gobierno di pais Aruba e tempo ey di MEP y despues di AVP NO a scoge pa desaroya e segmento aki. Mientras tanto e segmento di ‘Health & Wellness’ den mundo international a desaroya su mes pa bira un TRILLION DOLLAR INDUSTRY. Y ta incredible cu Aruba(MEP/AVP) a tene su mesa for di e desaroyo aki. PPA kier accentua cu un segmento di Health & Wellness Tourism lo no cai for di cielo. E lo mester worde debidamente prepara pa gobierno y professional di sector priva y inversionista interesa. Health & Wellness lo eleva e producto turistico di nos pais y lo crea cupo di trabao di valor !! E turista bishitante di un pais cu ‘Health & Wellness’ ta laga 59% mas atras cu un turista normal !! PPA lo hasi esaki un meta primordial pa Aruba por tin un segmento di ‘Health & Wellness’ pa ofrece nos bishitantenan den futuro.
San Nicolas, Our Caribbean Town!!
Pa hopi anja PPA ta projecta nos vision pa desaroyo di San Nicolas esta ‘San Nicolas, Our Caribbean Town’ usando historia y desaroyo real di San Nicolas como potencial pa projecta y mercadia e posibilidadnan cu San Nicolas ta ofrece. PPA ta mira desaroyo di un ‘ Museum Historico y Multicultural na San Nicolas’ como un parti esential pa logra e ambiente necesario esaki combina cu un convention Center/Exhibition center pa worde construi na San Nicolas. Y un festival Caribense ‘CARIMU’ pa worde organisa anualmente na San Nicolas.
Desaroyo di CRUISE TOURISM!!
Ta hopi importante pa prepara/ejecuta e vision di PPA pa eleva cruise tourism riba nos Isla. Ta den e cuadra aki PPA a presenta e vision pa muda Containerhaven for di Oranjestad pa Barcadera pa sina e haf di Oranjestad keda pa Cruise-tourism. Ta ora pa modernisa e infra-structura di nos haf cu despues di decada ochenta no a ricibi un inversion grandi. Lo mester expande e sitionan pa barco crusero por para/staciona for di 3 of 4 pa 6 of 7. Resultado di esaki lo ta un 350/ 400 mil bishitante mas. E spin-off economico lo ta enorme positivo pa Aruba. Mientras lo mester evalua si lo combina Aruba pa Aruba projecta su mes fuera di un ‘port of call’ como un ‘port of embarkation’??
PPA combina cu UPP tin tur e capacidad interno necesario pa duna e guia pa hasi e vision aki bira realidad basa riba e condicionan di ‘good governance’ e periodo menciona y mara na crecemento di nos Mercado laboral.
INICIA INVERSION PA LIMITA DANJO A CONSECUENCIA DI ‘RISING SEA LEVELS’!
PPA lo inicia un proceso den cual e meta lo ta pa inverti den un maneho pa frena/limita eventual danjo na nos Industria di turismo y pueblo a consecuencia di ‘rising sea levels/cambio climatoligico’ den future.
Cu e maneho describi aki so Aruba lo por ta prepara pa confronta e mercadeo cu lo tin di e producto di turismo di kada destinacion den futuro den Caribe pa acapara un bon segmento di e turista di calidad den futuro.
Sperando cu nos pueblo lo realisa cu PPA y e combinacion di Lista di PPA/UPP lo por duna un contribucion positivo pa salba nos pais y expande nos producto turistico. Pa tal motibo nos ta invita nos pueblo pa juda nos hiba Aruba ….pa e PROXIMO NIVEL y un MIHO MAJAN !!

Aruba, 17 di augustus 2017 BENNY NISBET
Secretario General di PPA

%d bloggers like this: