Advertisements

KOMUNIKADO DI KUERPO POLISIAL KÒRSOU Ladronisia ku violensia ku detenshon.

KOMUNIKADO DI KUERPO POLISIAL KÒRSOU
321 / 2017
16 ougùstùs 2017
Ladronisia ku violensia ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 15 di ougùstùs 2017 alrededor di 22.50 or, Sentral di Polis a risibí notifikashon di
un kaso di ladronisia ku violensia ku a kaba di tuma lugá dilanti un bar/restorant den área di
Jandorèt. Na yegada di e patruya na e sitio e víktima a deklará na polis ku el a kore yega
para na e bar menshoná. Dado momento un hòmber bistí kompleto na pretu ku kara tapá,
bou di menasa ku un arma di kandela a bah’e for di su outo i bai ku esaki.
Siguiendo ku e investigashon alrededor di 01.48 or polis a bin detené e sospechoso na su
kas na Klein Piskadera. Ta trata di e hòmber K.A. nasé na Hulanda di 23 aña di edat. Tambe
polis a konfiská e outo ku e sospechoso a kita for di su víktima.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.

Advertisements
%d bloggers like this: