Pronóstiko di tempu pa Kòrsou i bisindario bálido te djarason mainta 6:00 o.l., 16 di ougùstùs 2017.

Pronóstiko di tempu pa Kòrsou i bisindario bálido te djarason mainta 6:00 o.l., 16 di ougùstùs 2017.
Kompilá: djamars 15 di ougùstùs 2017, 05:00 o.l. (09:00 UTC).

Tempu: Parsialmente nublá ku chèns pa algu di áwaseru lokal.
Temperatura máksimo lo alkansá 34 ºC i temperatura mínimo 27 ºC.
Solo ta sali 06:24 i ta baha 18:56 o.l.
Bientu: For di direkshon ost i moderá; forsa 3 te 4 (11 te 30 km/ora, 7 te 16 nudo). Den dia, ráfaga de bes en kuando basta fuerte te posiblemente fuerte; forsa 5 te 6 (31 te 50 km/ora, 17 te 27 nudo).
Situashon general: Un ola tropikal a drenta e parti ost di Karibe, esaki ta plama un poko humedat ku ainda por indusí desaroyo di algun nubia kapas pa produsí áwaseru riba áreanan limitá di e isla. Ademas, un fluho di bientu por lo general moderá lo persistí. Laman na su bùrt tambe lo kontinuá den e mes un situashon.
Kondishon di laman: Por lo general moderá ku altura di olanan entre 0.5 i 1.5 meter (2 pa 5 pia).
Sistemanan signifikante di wer tropikal: Tormenta Tropikal Gert a bira un orkan i ta move den direkshon nort riba parti wèst di Atlántiko i no ta un menasa pa region di Karibe.
Fenómeno spesial: Ningun.
Perspektiva te djaweps mainta: Por lo general parsialmente nublá ku chèns pa awa kai den mardugá. .
Meteorólogo: Figueroa
E próksimo boletin di tempu lo wòrdu publiká djamars 11:00 o.l. (15:00 UTC).

%d bloggers like this: