Advertisements

KOMUNIKADO DI KUERPO POLISIAL KÒRSOU Detenshon pa violashon di e Lei di Opio

KOMUNIKADO DI KUERPO POLISIAL KÒRSOU
318 / 2017
15 ougùstùs 2017
Detenshon pa violashon di e Lei di Opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 14 di ougùstùs 2017 alrededor di 18.50 or, e tim di Mantenshon di Òrdu Públiko durante nan patruya Riba Winston Churchillweg na altura di un pakus a mira un outo ku dos okupante ku no tabatin nan faha di seguridat bistí. E agentenan a duna e shofùr òrdu pa para. Na momento di un kontrol e shofùr tabatin den su poder un saku di plèstik ku 13 bolita di hash. E okupante tabatin un puñá (dolkmes) hinka meimei di su faha i barika. E shofùr e hòmber D.L.M. nasé na Kòrsou di 23 aña di edat, a keda detené pa violashon di e Lei di Opio. E okupante M.E.Th. nasé na Hulanda di 19 aña di edat, tambe a keda detené pa violashon di e Lei di Arma. Polis a konfiská e droganan, e puñá i e outo pa mas investigashon.
E sospechosonan a keda presentá dilanti un Fiskal Ouksiliar ku a ordená nan enkarselamentu pendiente di mas investigashon.

Advertisements
%d bloggers like this: