Advertisements

KOMUNIKADO DI KUERPO POLISIAL KÒRSOU Detenshon di dos sospechoso pa maltrato i destrukshon.

KOMUNIKADO DI KUERPO POLISIAL KÒRSOU
317 / 2017
15 ougùstùs 2017
Detenshon di dos sospechoso pa maltrato i destrukshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 14 ougùstùs 2017, alrededor di 17.25 or, Sentral di Polis a dirigí e tim di Mantenshon di Òrdu Públiko na Kaya Beròm pa un kaso di pleitu entre bisiña. Na yegada di e patruya na e sitio, un di e bisiñanan enbolbí den e pleitamentu a deklará na polis ku e tabatin interkambio di palabra ku su bisiña. Dado momento e bisiña aki a kuminsá yobe su kas ku piedra i bòter ku e resultado ku su porta di skùif a kibra kompletamente. E otro bisiña tambe a deklará na polis ku en berdat e tabatin un diskushon ku su bisiña i yu muhé di e bisiña aki a mand’e ku un bòter ku a alkanse na un di su bèlnan di pia. Lokual ku a pone rabia i manda kas di e bisiña ku piedra i bòter ku e konsekuensia ariba menshoná. En konekshon ku esaki polis a detené dos persona di e sekso femenino; S.Sh.R. di 24 aña di edat pa destrukshon i D.N.C.J. di 17 aña di edat pa maltrato, ámbos nasé na Kòrsou.
A presentá e sospechosonan dilanti un Fiskal Ouksiliar ku a ordená nan enkarselamentu pendiente di mas investigashon.

Advertisements
%d bloggers like this: