Orashon djaluna 14 di ougustus 2017

Orashon djaluna 14 di ougustus 2017

“Ke men antó, Israel, ku SEÑOR, boso Dios, no ta pidi nada otro di boso ku no ta tene rèspèt di djE, sigui e kaminda ku E ta mustra boso, stim’É, sirbiÉ ku henter boso alma i ku henter boso kurason i kumpli ku e mandamentunan i ku e leinan di SEÑOR ku mi ta duna awe. E ora ei ta bai boso bon. Komprondé bon ku ta di SEÑOR, boso Dios, shelu infinito i mundu ku tur loke tin riba dje ta. Na boso antepasadonan so SEÑOR a mara su mes. Nan so El a stima. Boso, nan desendientenan, El a skohe for di tur pueblo. I ketu bai ta asina. P’esei no hasi kos di tèrko mas. Boso ta sirkunsidá na kurpa, pero sirkunsidá boso kurason tambe. Pasobra SEÑOR, boso Dios, ta e Dios Supremo, e SEÑOR mas altu, grandioso, fuerte i temibel. E Dios ku no sa tuma parti pa hende, ni sa tuma sèn bou di mesa; ma ku ta hustu pa wérfano i biuda i ta duna strañero ku ta biba serka boso kuminda i paña pa demostrá amor. P’esei demostrá amor na e strañeronan ku ta biba serka boso, pasobra boso tambe tabata strañero na Egipto. P’esei respetá SEÑOR, boso Dios, sirbiÉ, keda fiel n’E i hasi huramentu den su nòmber. Dun’É homenahe, E tá boso Dios. Ku boso mes wowo boso a mira su obranan grandi i spantoso. Boso antepasadonan tabata setenta hende dia nan a bai Egipto, pero awor SEÑOR, boso Dios, a hasi boso numeroso manera strea na shelu.”

Deuteronomio 10:12-22

%d bloggers like this: