Mister World Wide Curaçao ta bai presentá trahe resiklá riba nivel haltu

Mister World Wide Curaçao ta bai presentá trahe resiklá riba nivel haltu

Manera ta konosí nos hóben maskulino ku ta bai partisipá dia 10 sèptèmber 2017 na International School pa Mister World Wide Curaçao tin un presentashon ku sigur ta di kita sombré.
Nos ta papia aki di e trahe resiklá kaminda artistanan di nòmber ta sostené e proyekto aki ku sigur ku hopi persona ta papia di dje. Pa promé biaha aki na Kòrsou tur esnan presente ta bai mira ku nan propio wowo kiko artistanan lokal por ehersé.
Ta trata aki di bistínan di artefaktonan ku por wòrdu resiklá. E partisipantenan huntu ku nan artista no tin mag di uza tela pa krea e bistí na kurpa. Nan tin mag di uza tur artefakto pa krea un trahe pa e partisipante lusi den dje.
Hurado sigur lo bai tin trabou pa skohe e trahe ku sigur a sobresalí durante di e presentashon riba esenario. Kada partisipante ta sumamente orguyoso ku nan por ta partísipe den e totalidat di e evento disiplinario i kreativo aki.
P’esei mes nos kier enkurashá un i tur pa buska bo karchi serka nos partisipantenan òf na Mensing’s Caminda pasombra lo bai tin artenan hopi bunita. Pa kualkier informashon por komuniká ku komishon Mister World Wide Curaçao 2017 riba facebook òf por yama na: 675-4186.

%d bloggers like this: