Minister Koeiman ta reuní ku Damen Shiprepair Curacao pa huntu traha riba realisashon di ‘manpower’ motivá i spesialisá

Minister Koeiman ta reuní ku Damen Shiprepair Curacao pa huntu traha riba realisashon di ‘manpower’ motivá i spesialisá
Tambe lo traha riba un kampaña di reklutashon di nos profeshonalnan empleá den merkadonan estranhero

WILLEMSTAD – Resien Minister Hensley Koeiman a reuní ku gerensha di Damen Shiprepair Curaçao. , representá pa Sr. Jaap de lange, Managing Director, Sr. Jurgen Rodrigues, Human Resource manager i Sr. Jerson Harrigan. E ministerio tabata represent pa Direktor di Labor, Sra. Donate Philbert-Nieveld, i kolaboradornan di Kabinete di Minister Koeiman.
Meta di e reunion tabatá pa Damen Shiprepair Curaçao sera konosí ku Minister Koeiman i tambe pa papia riba manpower planning ku e kompania tin nesesidat di dje teniendo kuenta ku trabounan ku ta ehersiendo kaba i otro enkargonan grandi ku ta na kaminda pa e kompania ‘Damen Shiprepair Curaçao’.
Informashon interkambiá na e reunion a indiká ku na e momentu aki momentunan akí den nos ‘manpower’ lokal no tin sufisiente personal kualifiká i ku preparashon na e nivel haltu ku ‘Damen’ ta rekerí. Esaki ta pone ku pa e mmomentunan aki pa trabounan spesífiko mester trahadónan ku e preparashon necesario for di estranheria. E representantenan di ‘Damen’ a informá Minister Koeiman ku e kompania lo a preferá naturalmente di por a kontratá trahadornan lokal. E kompania a informá alabes ku gastunan pa atraé trahadónan for di estranheria ta hopi haltu. muchu mas tantu ku si hasi uso di nos trahadónan lokal.
E partidonan akordá pa pronto kuminsá un kampaña huntu, kaminda lo invitá alabes Refineria Isla i i otro stakeholder pa inisiá un kampaña di informashon i konsientisashon riba e balor di trabou i tambe e importansia pa sigui estudionan riba nivel di MBO i HBO den ramonan ku nos merkado laboral tin hopi petishon i trabou.
Banda di esaki lo kuminsá tambe un kampaña pa purba trese bek nos profeshonalnan lokal ku tin e preparashonnan necesario pero ta traha na Hulanda i otro paisnan na mundu.
Lo bai kuminsá ku un kampaña di ‘werving’ ku pa Hulanda lo kana via Kas di Kòrsou, pa medio di Sentro di Trabou, e pagina web di Damen i tambe lo akudí na Feria di Trabou .
Tambe a papia kon por hasi uso mas efisiente posibel di e Sentro di Entrenamento Okupashonal pa prepará nos mes hendenan pa nan alkansá nivel di MBO i HBO pa por realisá trabounan na ‘Damen i otro kompanianan ku ta eksigí spesialisashon riba sierto tereno di trabou.
Otro aspekto ku a trata durante e reunion ta ku mester traha na subi nivel di dominio di ingles pa subi efisiensia di komunikashon i produktividat riba nivel internashonal. E nivel di dominio di e idiomanan Ingles, Hulandes i Spaño di nos hobennan aworakí no ta e novel di loke merkado laboral ta deseá.
Tambe a bini na mesa e posibilidat pa motiv;a i prepará mas hende muhé pa ser empleá sektor akí, i trabounan na e departamentu tékniko pa kua tin nesesidat di ‘manpower’ aktualmente.
Por konkluí ku tin perpektiva pa kupo di trabou nobo den mundu di asteyero i otro ramonan industrial na Kòrsou pero ku nos tin un kaminda pa kana pa prepará i konsientisá nos hendenan pa por kumpli ku e oferta ku tin aworaki. A palabra ku lo intensivá e kontaktonan entre Ministerio di SOAW, ku ‘Damen’ i otro stakeholdernan riba e tema aki i otronan aspektonan importante pa un desaroyo duradero di nos merkado di Labor. Hasiendo esaki lo krea mas kupo di trabou i dal pasonan konkreto i dirigí den direkshon di kresementu di nos ekonomia.

%d bloggers like this: