‘LEY PA LIMITA ‘ALL INCLUSIVE’ KETO BAI NO EJECUTA, CON POR TA ??’

BENNY NISBET, PPA:
‘LEY PA LIMITA ‘ALL INCLUSIVE’ KETO BAI NO EJECUTA, CON POR TA ??’
A sali publica den un matutino cu UN anja despues cu a pasa e ley pa limita’ ALL INCLUSIVE’ den parlamento e concepto di ley aki keto bai no a bira realidad. Un concepto di Ley di ‘All Inclusive’cu a causa hopi discussion entre AHATA y gobierno e tempo ey sr. Otmar Oduber (awe P.O.R) pero visiblemente Prome Ministro Mike Eman(AVP) e tempo ey a sostene e concepto di Ley aki tambe.
E preguntanan di PPA ta:
Con bin despues di TUR e discussion y pression ejerce gobierno Eman NO a ejecuta e concepto di ley aki aproba pa Staten ? Interes di kende a worde sirbi door di NO ejecuta e ley encuestion ? Pakiko e propio Ministro Otmar Oduber NO a firma e concepto di LEY cu e a defende den TUR sentido di palabra ?? Pakiko Ministro di Meza actual ministro di Turismo NO a firma e concepto d ley aki durante e 9 luna cu e ta ministro di Turismo ?? Unda e rol di Ministro Presidente Mike Eman a keda den esaki ?? Acaso benta di cierto propiedad/hotel riba nos Isla na inversionista/comprador pa nan por hasi cierto hotel normal ainda bira hotel di ‘All Inclusive’ prome cu e Ley aki drenta na vigor ?? Acaso sumanan di placa a pasa sera bow of riba mesa pa duna e espacio aki ?? Acaso cu tin interes di financiador di campanja den wega cu a pisa mas cu interes general di pais Aruba ?? AVP/POR por a permiti nan mes pa worde usa pa e atraccion di fondo pa campanja ?? Kizas aki tin e contesta cu cierto partido lo ta hopi ‘placia’ mes ??
Den e articulo menciona ta worde insinua cu gobierno y partidonan participante na Staten lo NO tin un bista di e futuro di nos turismo di Aruba.
PPA su vision ta:
Cu pa Aruba mantene un rol y imagen di nivel dentro di e turismo di Caribe Aruba lo mester cambia y eleva nos producto di turismo pa bai pa e proximo nivel na mes momento Aruba lo mester adapta nos Industria di Turismo cu e ta duna Aruba MAS entrada cu actualment en corto cu e ta atrea un calidad di turismo mucho mas halto.
Pa logra esaki PPA ta di opinion cu Aruba mester DIVERSIFICA nos producto turistico !! Con nos lo logra esaki? Pa PPA esaki lo ta door di inverti den:
A. Convention Tourism(MICE)
b. Inverti pa hasi Aruba un Golfersdestination
c. Crea un Health & Wellness sector y
d. Un San Nicolas Our Caribbean Town.
Den e maneho pa turismo di PPA … PPA tin un Moratorium inclui cu dos excepcion. Ora ta trata specificamente dos vision di PPA pa futuro di nos turismo pero mara na condicionan estricto esta
A. Aruba World Trade Center cu lo mester bin accompanja cu dos ‘business hotels International’ y
B. B. Un International Golf Course na Seroe Colorado cu lo tin espacio pa 3 hotel pero mara …na un periodo di DIEZ anja y basa riba un HOTEL/SPA y dos hotel 4 of 5 star…PERO stricamente basa solamente riba interes ajeno na interes arubiano. Den e vision di PPA pa desaroya un parti di San Nicolas pa turismo NO tin espacio pa ‘All inclusive hotels’ punto !!
PPA ta di opinion cu ejecucion di e Ley pa frena ‘ALL INCLUSIVE HOTELS’ lo ta necesario…pasobra tanten cu e porta ta habri lo Aruba ricibi mas inversionista cu lo tin ALL INCLUSIVE como nan meta cu simpelmente NO ta cuadra mas cu interes general di pais Aruba y e meta di DIVERSIFICACION di nos producto turistico !

Ta importante pa pueblo para tras di un partido manera PPA si pueblo ta desea pa nos producto turistico y den esey e entrada di nos pueblo/trahado por subi debidamente den futuro.
Meta primordial segun vision di PPA ta:
Cu e producto di Turismo cu Aruba ta ofrece worde restructura segun interes Arubiano na prome lugar !!
Cu e producto di Turismo worde diversifica !!
Cu e producto di Turismo por atrea Turista di un miho calidad …cu por larga mas fondo reparti rond di nos Isla den futuro!!
PPA tey pa sirbi primeramente bienestar general di nos pais …y pesey hunto cu UPP lo hiba un maneho stricto pa logra engrandece nos producto turistico di Aruba y e pueblo di nos pais !!

Aruba, 14 di augustus 2017 Secretario General di PPA
BENNY NISBET

%d bloggers like this: