Advertisements

LA VIE a presentá “The Power of Magic”, with Fairies & Wizards pa Karnaval 2018

LA VIE a presentá “The Power of Magic”, with Fairies & Wizards pa Karnaval 2018

LA VIE ta e grupo di Karnaval ku a hasi nan debut e aña aki den Karnaval 2017 ku hopi suspenso i La Vie a sali den e “top 10” Karnaval 2017.
Den un ambiente di happy hour “pika pika” La Vie a demostrá su trahe Karnavalesko 2018. E parti aki di nos evento lo tuma na Parkeerplaats Gartish Tegelwerk
Tabata presente representante di: La Vie (Grupo Karnaval), Daiquiri (House Band), Hunnely i Designer ku splikashon di nos tema: “The Power of Magic”, with Fairies & Wizards. Lamentablemente e designer kende ta sr. Andrew Curiel di Aruba no por tabata presente.
La Vie ya ta ranka sali trempan pa keda kla na tempu pa Karnaval 2018. Kontrato ta firmá kaba ku nan house band “Daiquiri ku lo bai kompañá La Vie durante Marcha Grandi 2018.
La Vie ta bai ku e tema “The Power of Magic, with Fairies & Wizards”. Den Gran Marcha 2018 La Vie ta bai hasi un magia di gozadera. Direktiva di La Vie ta bisa ku nan ta sigui ku nan 3 sekshonnan di Supreme, Sexy Bomba i Elegance i nan lo tin un sekshon èkstra di sorpresa ku hopi hopi suspenso. Durante hinter e periodo di Karnaval aki La Vie lo bai organisá diferente aktividat. La Vie ta konvensí ku nan lo laga sa ku nan tei un biaha mas den Marcha Grandi di Karnaval 2018.
La Vie a presentá e anochi aki tres trahe pa dama i dos pa kabayero. Lo bai tin un trahe mas pa damanan un tiki mas yen òf e personanan mas adulto ku lo no kier ta hopi sexy. Esaki lo wòrdu demostrá despues.
Pa mas informashon i inskripshon: www.lavie.live òf tuma kontakto ku Sra. Louella Keller na 665-5524. Keda pendiente pa… La Vie Karnaval 2018!
Riba e kombinashon di foto nan por tuma nota di e trahenan ku a wòrdu presentá e anochi aki i aktuashon di Hunneley ku a pone ambiente huntu ku Daiquiri.

Advertisements
%d bloggers like this: