Detenshon di 2 Arubano na Miami

Detenshon di dos Arubano na Miami

Siman pasá djamars, 8 di ougustus ultimo, pa 2.44 di marduga a hasi detenshon di dos Arubano na Miami pa trafikashon di mas o menos 470 gram di droga, kokaina. Ta trata di sr. Adrian (Janchi) Croes (69) i su yu hòmber Jordiano (Dano) Croes (31). Nan ta enkarselá na Metro West Detention Center. Ambos persona ta famia, esta tata i ruman di e persona ku ta kampañá pa partido MEP. Sinembargo lider di partido MEP a deklará ku e personanan ku a keda detené aki no tin nada di haber ku partido MEP.
Pa nan por haña libertat kondishonal lo mester paga un fiansa, asina yamá bail, di probablemente $ 250 mil pa kada persona, segun kalkulashonnan.

%d bloggers like this: