Promé Minister Eugene Rhuggenaath a presentá dos (2) proyekto di lei na Parlamento di Kòrsou

Promé Minister Eugene Rhuggenaath a presentá dos (2) proyekto di lei na Parlamento di Kòrsou, ku a wòrdu aprobá.
1. “Raad van Advies (RvA)” ta e órgano independiente di konsulta pa Gobièrnu i Parlamento tokante lei. Ku e aprobashon di kambio den lei, RvA por duna konseho pafó di reunion tambe. Esaki ta nifiká ku e órgano awor por duna konseho mas rápido i komo tal den kasonan di urgensia, no tin ku warda un reunion físiko mas. Konsekuentemente desishonnan i posibel akshonnan di Gobièrnu, lo kana nan kaminda mas lihé i efisiente.
2. “Sociaal Economische Raad (SER)” ta e órgano independiente di konsulta pa Gobièrnu i Parlamento tokante tópikonan ku un aspekto sosial ekonómiko. Ku e aprobashon di kambio den lei, desde awor Parlamento tin e libertat di pidi konseho direktamente na SER, sin intervenímentu di Gobièrnu. Banda di duna konseho riba petishonnan ku ta wòrdu hasi, awor tambe SER por duna konseho proaktivo na Gobièrnu i Parlamento. E kambio di lei tambe ta enserá, ku tur konseho di SER lo wòrdu publiká. Esaki den kuadro di transparensia di gobernashon.

%d bloggers like this: