Nos selekshon nashonal U-15 a sali rumbo pa Merka Pa partisipá na un torneo pa kategoria U-15, organisá pa CONCACAF!

Nos selekshon nashonal U-15 a sali rumbo pa Merka Pa partisipá na un torneo pa kategoria U-15, organisá pa CONCACAF!

Despues ku nos selekshon dama U-20 ta tin e oportunidat di saka kara di Kòrsou, awor ta toka turno na nos selekshon nashonal U-15 pa representá nos dushi isla durante e torneo di CONCACAF kategoria U-15 ku lo tuma lugá aya na Merka.
Despues di dianan di training intensivo i un temporada di preparashon ekstenso, ayera, djasabra 13 ougùstùs nos selekshon nashonal U-15 a biaha den oranan trempan di mainta pa Merka pa asina kumpli ku nan kompromisonan durante e torneo di CONCACAF pa kategoria U-15 ku lo tuma lugá di 13 pa 19 ougùstùs den e IMG Academy situá na e siudat Bradenton, Florida.
Huntu ku nos tin 39 pais mas ku lo partisipá na e torneo aki.
Pues e torneo ta konta ku partisipashon di un total di 40 pais ku a keda repartí den 10 grupo di 4 pais.

Nos selekshon ta forma parti di grupo D ku ta konsistí di e siguiente paisnan;
1. Repúblika Dominikana
2. Haiti
3. Nicaragua
4. Kòrsou

Skema di weganan:
Fecha Orario Tim di kas Bishitante Lugá
1 14 oug. 17 11:00 AM Repúblika Dominikana Kòrsou IMG Academy
(Merka)
2 15 oug. 17 11:00 AM Kòrsou Haiti
3 17 oug. 17 11:00 AM Kòrsou Nicaragua

Nos selekshon nashonal di U-15 ta konsistí di un grupo di 18 hungadó ku ta wòrdu dirigí pa Sr. Gersinio Constansia ku ta e direktor tékniko di e selekshon aki i Sr. Ronald Trouwloon ku ta e asistente di e direktor tékniko. Tambe ta biaha huntu ku e selekshon Sr. Roderick Roojer ku ta entrenadó físiko i esun enkargá ku materialnan di nos selekshon, un masahista kual ta Sr. Sherwin Inesia i e hefe di delegashon ku ta Sr. Hubert Isenia, miembro di direktiva di FFK.

Nos selekshon ta konsistí di e siguiente hungadónan;
1. Akram Potmis
2. Daniel Hodge
3. Nagriël Roch
4. Divani Hansen
5. Jaïr Diaoen
6. Giomar Rosaria
7. Trevor Martir
8. Thaym Cijntje
9. Jhuriëlmerson Ines
10. Keanu Linkers
11. Jeardyanne Peterson
12. Reinier Bonifacio
13. Jumendrel Rijna
14. Mirgenson Perozo
15. Sidney Kastaneer
16. Treymayne Helena
17. Othmar Inecia
18. Jurikson Lambertina
FFK i MCB kier a deseá nos selekshon di U-15 tur klase di éksito i tin sigur ku nan lo sa di hasi un bon trabou na Merka durante e kampionato di CONCACAF di kategoria U-15.
13 ougùstùs 2017

%d bloggers like this: