KOMUNIKADO DI KUERPO POLISIAL KÒRSOU Aksidente di tráfiko ku morto. Jamil Toufic Huneidi ta perde su bida.

KOMUNIKADO DI KUERPO POLISIAL KÒRSOU
313 / 2017
11 ougùstùs 2017
Aksidente di tráfiko ku morto.

Djabièrnè 11 di ougùstùs 2017, alrededor di 09.22 or di mainta, Sentral di Polis a risibí notifikashon di un aksidente di tráfiko ku a tuma lugá riba Kaminda Rignald Recordino. E unidat polisial ku a yega na e sitio a nota ku ta trata di un aksidente entre un dòmtrùk i tres outo. For di un investigashon preliminar ku polis a hasi na e sitio a resultá ku un outo(1) tabata koriendo riba e kaminda sin nòmber ku ta kondusí di Cadushistraat te ku Kaminda Reginald Recordino. Dado momentu e outo(1) aki a sali for di e kaminda aki pa subi Kaminda Rignald Recordino sin duna preferensia na un dòmtrùk ku tabata biniendo for di Sta. Rosa bayendo direkshon di Montaña. Konsekuentemente e dòmtrùk a dal den banda di e outo(1) aki. E outo(1) aki na su turno a bai dal den un otro outo(2). Dor di e impakto outo(2) a bai dal den outo(3) ku tabata biniendo su tras. Shofùr di e outo (1) e hòmber Jamil Toufic Huneidi, nasé na Libanon 14 aprel 1939 a risibí múltiple leshon i a fayesé na e sitio mes. Alrededor di 10.35 or dòkter di polis a konstatá morto di J.T.H. Un okupante ku tabata den e outo (1) huntu ku e víktima i tambe e hòmber shofùr di e outo (2) a keda transportá ku ambulans pa poliklínika di SEHOS pa tratamentu médiko. Departamento di Tráfiko ta kontinuá ku e investigashon.

%d bloggers like this: