Mister World Wide Curaçao 2017 ta na kaminda

Mister World Wide Curaçao 2017 ta na kaminda

Pa promé biaha den un konstelashon úniko nos hóben i hóben adultonan ta haña oportunidat pa presentá nan mes den un sertámen maskulino.
Nos partisipantenan pa Mister World Wide Curaçao ta den ful suin pa asina kompetí positivamente pa e titulo máksimo. Durante di e kompetensia di nos kabayeronan tin 4 presentashon. Nos partisipantenan tin ku sali den nan promé presentashon uniformá.
Nan di dos presentashon lo bira trahe di baño i nan di tres trahe resiklá. Na trahe resiklá e hóbennan tin ku krea sea ta huntu ku nan artista un trahe kaminda nan tin ku introdusí riba esenario. Por último nan tin ku subi ku nan flus i aki nan ta risibí un pregunta pa asina nan por kontesta.
Ta un ambiente ameno i bunita ta bai tin dia 10 di sèptèmber 2017 na International School na Emmastad. Tur kos ta kuminsá for di 17:00 i tèrminá 20:00. Preis pa ta únikamente Fl. 25,00 pa persona. Lo bai tin un show tur afó i kada partisipante ta bon prepará.
Pa mas informashon por komuniká ku nos riba facebook: Mister World Wide Curaçao òf telefòn: 005999 6754186. Karchi optenibel serka tur partisipante i na Mensing’s Caminada.
Kòrsou kompletu ta keda invitá pa bin wak ken ta nos próksimo: Mister World Wide Curaçao 2017.

%d bloggers like this: