KOMUNIKADO DI KUERPO POLISIAL KÒRSOU Un detenshon pa bringamentu i maltrato.

KOMUNIKADO DI KUERPO POLISIAL KÒRSOU
305 / 2017
8 ougùstùs 2017
Un detenshon pa bringamentu i maltrato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 7 di ougùstùs 2017, alrededor di 13.15 or Sentral di Polis a dirigí un patruya di polis
na un sentro komersial den área di Veeris pa un bringamentu ku herido entre dos persona
femenino.
Na yegada di e patruya nan a topa ku e víktima drumi abou na suela den un plas di sanger. E
víktima a deklará na Polis ku su prima a korte na su banda drechi di su kara ku un opheto
skèrpi. Ambulans a transportá e víktima pa poliklínika di SEHOS pa tratamentu médiko.
Siguiendo ku e investigashon a sali na kla ku e dos personanan aki tabatin problema ku otro
probablemente pa motibu di un persona maskulino ku a bin kulminá na loke a keda relatá
ariba. E víktima a bai na boka di trabou di su prima/sospechoso pa regla un ke otro kuné. E
situashon a resultá den un bringamentu na unda e prima/sospechoso a herida e víktima ku
a bini pa regla un ke otro. Un di tres persona ku a purba na intervení den e bringamentu
tambe a keda herida na un di su dedenan na su man drechi, personal di ambulans a dun’e
tratamentu na e sitio i el a keda referí pa bai su dòkter di kas. E prima/sospechoso S.A.S.
nasé na Kòrsou di 29 aña, tambe tabatin su banda di kara robes hinchá i a keda detené na e
sitio i hiba warda di polis.
A presentá e sospechoso dilanti di un Fiskal Ouksiliar ku a ordená su enkarselamentu
pendiente di mas investigashon.

%d bloggers like this: