Advertisements

KOMUNIKADO DI KUERPO POLISIAL KÒRSOU Konfiskashon di un arma di kandela i un outo.

KOMUNIKADO DI KUERPO POLISIAL KÒRSOU
306 / 2017
8 ougùstùs 2017
Konfiskashon di un arma di kandela i un outo.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 7 di ougùstùs 2017 alrededor di 02.20 or di mardugá, Polis durante nan patruya den
área di Marchena na altura di un establesimentu a mira dos (2) hòmber tabata lucha ku un
dama. Na momento ku e hòmbernan aki a mira e outo polisial nan a drenta den un outo i
kore bai for di e sitio. Mesora e agentenan a start ku un persiguishon tras di e
sospechosonan. Yegando na altura di un negoshi e shofùr di e outo ku e sospechosonan
aden a pèrdè kontrol i kai den un roi. E tres sospechosonan ku tabata den e outo a sali i
kore bai. Siguiendo ku un investigashon den e outo e agentenan a haña i konfiská e.o.; dos
tas prosedente di ladronisia, un revòlver i un telefòn. E outo tambe a keda konfiska.
Kontinuando ku e investigashon a resultá ku den oranan mas promé alrededor di 01.30 or
di mardugá probablemente e mesun sospechosonan aki a atraká un hòmber riba Pater
Euwensweg. E víktima tabata kanando direkshon di Otrobanda e sospechosonan tabata
koriendo direkshon pabou, dos di nan a baha for di e outo, menasá e hòmber víktima ku un
arma di kandela, bent’e abou ranka su tas, kaba hinka man den su saku di karson saka su
pòtmòni ku kontenido for di su saku. Un di e tasnan ku polis a haña den e outo ariba
menshoná ta pertenesé na e hòmber víktima aki i e otro na e dama tambe menshoná ariba.
Polis ta sigui ku búskeda di e sospechosonan i ta mustra ku nos ta trahando hopi serio riba e
krímennan ku ta asotando nos komunidat. Tambe Polis ta keda konta riba yudansa di
komunidat pa nos por sigui atendé e kasonan aki di un manera diligente.

Advertisements
%d bloggers like this: