Rumba Band bek den Farándula

Rumba Band bek den Farándula

Rumba Band a presentá un tremendo Press Show siman pasa djamars na Mambo Beach i di e forma aki a lansa nan mes bek di forma aktivo den farándula di Kòrsou.
For di un prinsipio di e atardi por a tuma nota ku nan manera di presentá na prensa tabata diferente for di loke ta kustumbrá. Ku esei mesora tabata bisto ku por spera hopi inovashon den entertainment di nan banda. Rumba Band a dirigí nan mes na prensa for di riba stage kaminda entre kada piesa ku nan a presentá nan a dirigí nan mes na prensa i e públiko presente.
Despues di un introdukshon kaminda nan a splika i kòrda nos tur e éksito nan durante aña nan 2001 te ku 2013, Rumba Band a presentá riba un stage na un nivel di show hopi haltu ku un aspekto nobo di loke nos konosé na Kòrsou kaminda 2 kantante femenino, basista i kitarista ta forma e front line. Algu hopi plasentero pa amante di bon entertainment.
Mester bisa tambe ku e kalidat di músika tabata hopi na nivel. Un bon zonido i bon variashon ku focus riba nan ritmo trademark ku ta un blend entre zouk i kyzomba ku e toke special di Rumba Band. E siman aki Rumba Band su promé promoshonal lo bai radio nan i red nan sosial, i nan a primintí ku pa fin di luna lo tin un EP riba merkado.
Like i follow e página di Facebook di Rumba Band ku ta di power pa 5colors Media, paso pronto lo anunsiá e tradishon nan nobo ku ta bai kuminsá. Pa mas informashon por tuma kontakto ku Rumba Band na rumbabandcuracao@gmail.com òf na telefon nan 6708173 òf 5132841.

%d bloggers like this: