Pronóstiko di tempu pa Kòrsou i bisindario bálido te djamars atardi 18:00 o.l., 8 di ougùstùs 2017.

Pronóstiko
Pronóstiko di tempu pa Kòrsou i bisindario bálido te djamars atardi 18:00 o.l., 8 di ougùstùs 2017.
Kompilá: djaluna 7 di ougùstùs 2017, 17:00 o.l. (21:00 UTC).

Tempu: Leve te parsialmente nublá ku chèns pa algu di áwaseru.
Temperatura máksimo lo alkansá 34 ºC i temperatura mínimo 27 ºC.
Solo ta sali 06:24 i ta baha 18:59 o.l.
Bientu: For di direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den dia, de bes en kuando fuerte; forsa 6 (40 te 50 km/ora, 22 te 27 nudo).
Situashon general: Na e momentu nan aki, un ola tropikal suak ta situá riba e parti oriental di Karibe i ta move den direkshon wèst durante di próksimo 24 ora. Pa e motibu aki, apesar di ta un ola tropikal suak, algun nubia por forma, espesialmente durante ora nan di mainta. E nubianan aki por generá un áwaseru leve riba algun parti di Kòrsou. Mas aleu, bientu lo keda moderá te basta fuerte durante di próksimo dia nan.
Kondishon di laman: Por lo general moderá ku altura di olanan entre 1 i 2 meter (3 pa 6 pia).
Sistemanan signifikante di wer tropikal: Tormenta Tropikal Franklin ta situá riba e parti nortwèst di laman Karibe i ta move den direkshon wèst nortwèst. E sistema aki den e direkshon ku e ta moviendo lo no forma ningun menasa pa Kòrsou.
Fenómeno spesial: Ningun.
Perspektiva te djarason atardi: Parsialmente nubá ku chèns pa un áwaseru lokal.
Meteorólogo: Rombley/Thomas.
E próksimo boletin di tempu lo wòrdu publiká djamars 05:00 o.l. (09:00 UTC).

%d bloggers like this: