KOMUNIKADO DI KUERPO POLISIAL KÒRSOU Maltrato relashonal ku detenshon

KOMUNIKADO DI KUERPO POLISIAL KÒRSOU

304 / 2017
7 ougùstùs 2017
Maltrato relashonal ku detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 6 di ougùstùs 2017, alrededor di 17.30 or, Sentral di Polis a dirigí un patruya polisial na un kas den Jongbloed pa un kaso di maltrato relashonal ku menasa. Na e sitio e víktima un dama a deklará na polis ku su partner a maltrat’é i menas’é ku morto despues di un diskushon ku nan tabatin. Polis a konstatá ku e dama tabatin un bòlòmbònchi na e parti patras di su kabes. En konekshon ku esaki polis a detené e partner e hòmber P.K.N. nasé na India di 20 aña di edat pa maltrato i menasa.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.

%d bloggers like this: