Advertisements

MFK ta buta huntu ku barberonan di Jody’s barbershop akseso pa 200 mucha por haña un nechi pela pa “BACK TO SCHOOL”

MFK ta buta huntu ku barberonan di Jody’s barbershop akseso pa 200 mucha por haña un nechi pela pa
“BACK TO SCHOOL”

Willemstad, 6 di ougùstùs 2017

Bou di inisiativa di Parlamentario Gilbert Doran huntu ku Lider di MFK sr. Gerrit Schotte MFK a yega huntu ku Jody’s Hair & Design Barber Shop na un fórmula pa por asistí den wikènt di 11, 12, 13 di ougùstùs próksimo 200 mucha, ku promé ku nan drenta aña eskolar nobo, ke tin nan pelá nèchi, nèchi.

E pelá aki primordialmente ta wòrdu otorgá na esnan ku tin e difísil den nos komunidat aworakí. E kriterionan pa bini na remarke ta konta lo siguiente:  
Onderstandtrekkernan
Hendenan ku minumumloon
Desempleadonan

Kiko mester hasi pa registrá pa e pelá? Por fabor yama sede di MFK na 724-7766 for di 8or di mainta te ku 5or di atardi di djaluna pa djabièrnè i mèldu bo mes.

Djasabra 5 di ougùstùs awor tambe por yama di 1or pa 3or di atardi na Studionan di Radio MAS na number 888-8997, 560-2069 òf 510-2069.

Esaki ta MFK su aporte chikitu na 200 famia. Di e moda aki nos ke duna esnan ku tin e difísil awe den nos komunidat un man pa nos muchanan start nan aña eskolar nèchi, nèchi pelá.

MFK

Advertisements
%d bloggers like this: