Advertisements

Charla : FAYO DI KURASON Djamars 11 di YULI 2017 na Sentro di Bario Souax

Charla : FAYO DI KURASON Djamars 11 di YULI 2017 na Sentro di Bario Souax

Fundashon Pro Souax, Sentro Médiko Souax i Sentro di bario Souax ta anunsiá ku e siklo di charla mensual na enkargo di Dr. Octavio Oliva, dòkter di kas pa bario di Souax ta kontinuá djamars 11 di yüli próksimo. E luna aki, e tópiko ta: FAYO DI KURASON. Un i tur ta keda invitá pa bin tende Dr. Oliva splika ki ora ta papia di fayo di kurason i kua ta e sintomanan den kaso di fayo di kurason. Tambe e dòkter lo amplia riba e diferente kousanan di fayo di kurason i kon kuida bo salú i bo kurason.
E charla ku ta tuma lugá na Sentro di Bario Souax ta di shet’or pa mitar di nuebe di anochi i entrada ta grátis. Lo tin amplio oportunidat pa hasi pregunta.
Fundashon Pro Souax ke animá tur habitante di bario di Souax, Gato, Zegu pero tambe otro interesadonan pa asistí na otro charla interesante riba bo salú i kon kuida bo salú. `

Charla riba tópiko di salú públiko
Tópiko : FAYO DI KURASON
Oradó : Dr. Octavio Oliva
Dia : Djamars 11 di YULI 2017
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRÁTIS

Advertisements
%d bloggers like this: