Advertisements

KOMUNIKADO DI KUERPO POLISIAL KÒRSOU Ladronisia ku violensia i detenshon.

KOMUNIKADO DI KUERPO POLISIAL KÒRSOU
294 / 2017
2 ougùstùs 2017
Ladronisia ku violensia i detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 1 di ougùstùs 2017 alrededor di 20.50 or, Polis a detené un sospechoso femenino
N.G.F. nasé Kòrsou di 27 aña di edat, relashoná ku un kaso di maltrato i ladronisia ku
violensia. Detenshon a tuma lugá na parada di bus na Plasa Roberto H. Eustatius
(Otrobanda). For di un investigashon preliminar ku polis a hasi na e sitio e víktima un
hòmber di 71 aña di edat a deklará na polis ku e sospechoso a kuminsá un kombersashon
kuné. Diripiente e sospechoso a pidié sèn i tabata buska sèn dor di fula na su paña i a
maltrat’é ku skòp. E sospechoso a saka su sédula for di su saku i menas’é ku lo e hink’e ku
un kuchú si e no dun’e sèn. Na mesun momento un konosí di e víktima a presentá na e sitio
i a dun’e yudansa. Siguiendo ku e investigashon na e parada di bus e agentenan a señalá e
dama sospechoso ariba menshoná i a keda detené. Despues di un búskeda den e área polis
a haña e sédula di e víktima den un bari di sushi.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.

Advertisements
%d bloggers like this: