“PA PPA ‘NOORD TA E DISTRICTO CULTURAL’ DI NOS PAIS Y LO ELEVA NOORD TAMBE PA E PROXIMO NIVEL !”

BENNY NISBET (PPA)
“PA PPA ‘NOORD TA E DISTRICTO CULTURAL’ DI NOS PAIS Y LO ELEVA NOORD TAMBE PA E PROXIMO NIVEL !”
Infrastructura den districto di Noord:
Apesar cu districto di Noord ta e districto di mas cresciente di nos pueblo di Aruba realidad ta cu varios caretera den districto di Noord ta den masha mal estado. Apesar cu ciudadania di Noord a hasi apelacion tras di apelacion na e gobernacion di AVP y na parlamento di Aruba districto di Noord no a ricibi e atencion necesario. PPA lo drecha e infra-structura den districto di Noord mescos cu otro districto cu tambe ta ranca na e ‘bel’ pa atencion. E actual gobierno a inverti hopi, masha hopi placa mes den algun caretera grandi pero NO a dedica atencion na algun caretera crucial y na cierto parti di e districto unda pueblo ja ta biba pa anjas den ‘stof’. PPA lo dedica atencion debido na esaki.
Tambe PPA ta consciente di e partinan na Aruba en general districto di Noord en particular cu pa anjas ta bai bow di awa ora di jobida torrencial. Ningun di dos signatura di gobernacion no a logra dedica atencion debido korda pa solucionele, consecuentemente e pueblo y comercio den e partinan aki e.o. un parti di Palm Beach ta sufri y perde nan pertenencianan kada par di anja. PPA lo dedica atencion pa soluciona e problematica ora di e jobida torencial debidamente.
MAVO-HAVO-VWO Y UN GYMNASIO !!
Cu gran atencion PPA ta tuma nota di un variacion di partido cu ta dedica atencion na e vision di PPA pa districto di Noord esta un Mavo-Havo-VWO scol. Contrario na e partidonan cu tabatatin e signatura di gobernacion y nunca NO a dedica atencion na e necesidad aki pa districto di Noord, fraccion di PPA den decada 2001 pa 2005 pa ser exacto fecha 15 di maart 2004 a presenta un mocion den parlamento di Aruba cual mocion a pasa Unanimamente. Mustrando cu e tempo ey kaba….districto di Noord tabatatin 3 kleuterschool y 4 school basico relativamente grandi y esaki sin inclui e barrio di Tanki Leendert. E mocion a basa UNANIMAMENTE pero Lastima gobierno di MEP NO a pone fondo disponibel pa e projecto aki durante varios anja….2005, 2006, 2007, 2008. Y despues di eleccion 2009 a declara cu nan a larga fondo atras cual fondo e gobernacion nobo a usa pa e projecto di ‘street-trolley’ cu tambe ta un vision/projecto di PPA. Mientras tanto 8 anja a pasa AVP a gasta un 3 billion florin di cual un 2.5 billion na Oranjestad y gobernacion di AVP NO a pone un 15 million florin pa e vision/projecto cu PPA a pasa den parlamento di Aruba. Ta imposibel pa kere cu TUR esnan cu ta gaba cu e vision/projecto di PPA NO a pone e fondo disponibel y NO a ejecuta un projecto cu simpelmente ta un necesidad.
PPA tin Ensenansa como prioridad number UNO y lo ejecta e vision aki !! E ta un necesidad pa districto di Noord den tur sentido di palabra !! Algo interesante ta cu den e mocion di PPA a worde poni y dicidi cu junto cu e projecto aki di un MAVO-HAVO-VWO lo tin tambe cu lo mester worde construi na mes momento un Sala grandi di gymnasia pa e schoolnan di e barionan di Noord y Tanki Leendert.
Noord districto di Cultura:
Segun PPA districto di Noord ta e districto di Cultura di nos pais !! Y lo mester dedica mas atencion con pa projecta esaki tanto pa nos bishitante como nos pueblo. PPA ta pensa riba un museum dedica na Historia y Cultura en general di nos pais. Tambe PPA ta kere den projecta un industria di ‘arte y souvenir’ den districto di Noord. PPA lo stimula desaroyo di un Instituto pa Arte y Souvenir den districto di Noord.
Asina PPA lo contribui pa Noord sigui crece, pa Noord proteha su historia y valornan y pa Noord tambe bai pa e Proximo Nivel !!

Aruba, 29 di juli 2017 Lider Politico di PPA
BENNY NISBET

%d bloggers like this: