Advertisements

Orashon djabierne 28 di yuli 2017

Orashon djabièrnè 28 di yüli 2017

Shelu ta kanta Dios su mahestat, firmamentu ta konta di obra di su man. Kada dia ta anunsi’é na e dia siguiente, kada anochi ta splik’é na esun ku ta sigui. Sin papiamentu, sin usa ningun bos, sin zonido pa oreanan tende, nan yamada ta kore pasa tera henter, nan mensahe ta yega te den skinanan di mundu. El a lanta un tènt pa solo den shelu: at’é, un novio, saliendo fo’i su kuartu nupsial, un atleta, yen di brio pa kore su kareda. Solo ta sali na un punta di shelu, kaba ta dal su buèlta te na e otro: nada no por skapa su kalor. Lei di SEÑOR ta perfekto, ta duna alma alivio; testimonio di SEÑOR ta fiel, ta hasi bobonan sabí. SEÑOR su preseptonan ta rekto, ta alegrá nos kurason; SEÑOR su mandamentu ta kla, lus pa nos wowo. Rèspèt pa SEÑOR ta puru, ta dura pa semper; SEÑOR su òrdunan ta drechi, nan ta hustu, un pa un. Nan ta mas deseabel ku oro, un monton di oro puru; nan ta mas dushi ku miel fo’i kas di abeha. Bo sirbidó ta laga nan spiert’é; obedesé nan, sí, ta paga! Ken ta ripará su propio fayonan? Pordoná mi pikánan skondí. Protegé bo sirbidó kontra orguyo, no laga esei dominá mi. Anto lo mi ta perfekto i limpi di tur piká grandi. Mare palabranan for di mi boka i e pensamentunan di mi kurason por ta agradabel na Bo, SEÑOR, mi Baranka i Salbador!
Salmo 19:1‭-‬14

Advertisements
%d bloggers like this: